اماكن للخروج علبة ألوان

علبة ألوان

علبة ألوان —– 3ELBT ALWAN

المكان ده يعتير مكان للى عاوز
يفصل من اى حاجه هو تقدر تعتبره كافيه او صالون ثقافى او مكان للمذاكره او
مكان للحفلات كل ده فى مكان واحد
اولا هو متميز بمكان جامد فى الزمالك
فى اهدى شارع فى الزمالك اللى هو شارع أحمد حشمت اول حاجه هتاقبلك هو يافطة
المكا البدائيه اللى محطوطه على جذع شجره وهى دى الحاجه الوحيده اللى
هتدلك على المكان هتدخل ممر العماره وتطلع كام سلمه كده هتلاقى باب على
ايدك الشمال ( المكان هادى جدا جدا ايوم انت مش غلطان انت كده ماشى صح )
نتكلم
بقى على الديكور ( بص انت هتحس انك فى فيلم عربى بتاع التمانينات اللى هو
تلاقى واحد لابس الروب على القميص والبنطلون وماسك السيجار وقاعد بيتكلم فى
التليفون ابو سماعه ) ده غير ان كل ركن فى اانتيكات زى الالات الكاتبه
والكاميرات القديمه واكسسوارات (وممكن تشترى اللى انت عاوزه على فكره ) لان
المكان يعتبر كله على بعضه جاليرى

فى مكان للقراءه والصاله كبيره نسبيا علشان بيتعمل حفلات بس على القد مش كبيره اوى يعنى بتبقى كل يوم خميس
ولهواه التصوير هيعجبكم المكان اوى اوى

بالنسبة للمشروبات بقى ففكره انك تقوم تطلب اللى انت عاوزه مش موجوده فى
اماكن كتير بس هما عموما بيسبوك براحتك ميخلوش حد يحس انه غريب احنا جربنا
عنب بالتوت وليمون بالكيوى وبصراحه الاتنين كانوا جامدين اوى ولو انت
قاعدتك مطوله وده فى الغالب هيحصل انصك تجرب الشاى بالتوت البرى هو عادى بس
مع جو المكان حلو

عموما انت مش رايح علشان تشرب انت رايح تذاكر تقرأ تستجم تفكر كل ده ممكن يحصل فى المكان المثالى ده
المواعيد من 12 الضهر ل 2 بليل
العنوان : 15 شارع أحمد حشمت – الزمالك, متفرع من شارع المرعشلي – أمام كوستا الزمالك

Leave A Comment?