ازاي اروح استاد القاهرة الدولي

ازاي اروح استاد القاهرة الدولي

العنوان : شارع الاستاد البحري متفرع من طريق صلاح سالم – مدينة نصر – القاهرة امام دار المدرعات

من رمسيس

اركب اى حاجه داخله صلاح سالم زى الى داخلين مدينة نصر او رايحين مساكن الشيراتون او مدينة السلام
وقول له نزلنى عند الاستاد

او
اركب اي ميني باص رايح عند الاستاد

من موقف العاشر 

 هتيجي من ناحية موقف العاشر وداخل على القاهرة تطلع الكوبري بتاع الحرفيين هتنزل الناحية التانية وهتلاقي المطار على ايدك الشمال
هتفضل ماشي هتلاقي في وشك الطريق داير للشمال هتمشي برده زي مانت ،وعلى يمينك الكلية الحربية هتدخل يمين مع الكلية وكدة انت بقيت في صلاح سالم.
هتفضل ماشي كتيير لحد ماتلاقي كوبري الجلاء ،هتطلعه، وتنزل تكمل عادي وشوية هتلاقي نفق العروبة هتنزل وتكمل عادي ، وشوية تاني هتلاقي كوبري الفنجري قاطع الطريق فوقيك كدة بقى انت قربت اوي هتمشي من تحته.
تاخد اول يوتيرن  تحت الكوبري اللي بيوديك ناحية المقطم وكدة وتلف وترجع هتتاكد ان مشروع المترو الخط التالت على ايدك اليمين
وتدخل يمين وتمشي مع الكوبري هتمشي شوية هتلاقي قاعة ارض المعارض على ايدك اليمين وهتلاقي الاستاد على ايدك الشمال

Leave A Comment?