ازاي اروح من حلمية الزيتون الى ميدان الرماية

 ازاي اروح من حلمية الزيتون الى ميدان الرماية

لو فى ش سليم الاول عند مسجد العزيز بالله هاتاخد الشارع لأخره يمين عند قصر الطاهرة ومش هاتطلع الكوبرى وتلف من تحتيه وتمشى اتجاه روكسى هاتيجيى عند اشارة جسر السويس وتخش يمين هاتخد جسر السويس على طول اتجاه حدائق القبة تحت كوبر القبة هاتاخد شمال فيمين عند جامع جمال عبدالناصر وتاخد الطريق على طول اتجاه جامعة عين شمس هاتعدى تحت النفق وتخش يمين ش رمسيس اتجاه رمسيس يمينك المترو شمالك مسجد النور على طول هاتلاقى طلعة اكتوبر عند كوبرى غمرة هاتطلعها وتمسك يمينك علسان فى نزلة فى وشك مش هاتنزلها انت كده على اكتوبر اتجاه الجيزة بعد ما تعدى فوق ميدان رمسيس هاتلاقى دخلة يمين (ش شنن – السبتية) هاتعديها من هنا فى طريقين الآول تخش فى اللى بعدها (مكتوب عليها طريق مصر اسكندرية الصحراوى و6اكتوبر)هاتخد الطريق ده على طوووووووووووول هاتعدى النيل جنب الماريوت وبعديها هاتعدى النيل عند مسرح البالون وتكمل على طول انت كده على كوبرى 15مايو هاتكمل طول نادى الزمالك على شمالك وزارة الشباب والرياضة على يمينك على طول ميدان لبنان هاتكمل على طول وتطلع الكوبرى اللى فى وشك انت كده على المحور اتجاه 6 اكتوبر هاتلاقى الدائرى قى وشك هاتعدى من تحتيه وتلف معاه يوتبرن نصف قوص وتطلعه انت كده على الدائرى اتجاه الهرم هاتاخده لأخره هاتنزل فى ميدان الرماية


الطريق التانى تكمل على كوبر اكتوبر لآخره وتنزل اللفة المشهورة بتعتاه(تلات اربع دائرة)وتمشى على طوةل وتطلع كوبرى الدقى وتنزل وتكمل على طول اخر الشارع يمين فى شمال وتمشى على طول يمينك جامعة القاهرة وشمالك جنينة الحيوان وكلية الهندسة وتكمل على طول ميدان الجيزة فى اخر الشارع تاعدى الميدان وتخش يمين هاتلاقى الطريق مقسوم 3 يمين ش فيصل-وسط ش الهرم-شمال ش الربيع الجيزى هاتخد اللى فى الوسط وتعدى من تحت نفق الهرم انت كده فى ش الهرم هاتاخد الشارع لأخره على طووووووول انت كده فى الرماية

الطريق التالت  تاخد الدائرى من اوله
تاتمشى لغاية اخر ش سليم الاول وتاخد يمين وتطلع كوبرى الطاهرة وتنزل منه الشارع هايلف شمال لف معاه هاتاخد الشارع ده لأخره تلاقى ميدان السواح هاتخش يمين اجبارى وتطلع كوبرى السواح وتنزل النزلة اليمين يمينك ترعة الاسماعيلية وشمالك مصانع هاتاخد الطريق ده على طول هاتعدى من تحت كوبرى مسطرد هاتكمل على طول هاتعدى من تحت الدائرى هاتعمل يوتيرن شمال وترجع وتطلع الدائرى انت كده على الدائرى اتجاه الهرم وهاتاخده لأخره

Leave A Comment?