ازاي اروح دريم بارك

ازاي اروح دريم بارك

العنوان : 6 اكتوبر, مدينة الملاهى, دريم لاند, دريم بارك

من الجيزة 
اى ميكروباص رايح 6 اكتوبر من الجيزة عند بنزينة اللى فى اول نفق الهرم

او 


اخرج على أول نفق نصر الدين جنب التوحيد والنور واركب من هناك اى عربية رايحة 6 اكتوبر بس اسأل الأول هيعدى ع دريم بارك ولا لأ احتياط مش أكتر
او اركب اى مواصلة من الجيزة للرماية ومن عند نادى الرماية سهل جدا جدا تغير بأى باص رايح اكتوبر


  
من رمسيس  هتروح محطة رمسيس وتسال على الحتة اللى بيركبوا منها ل 6 اكتوبر لما هتروح عندها هتلاقي  ميكروباصات بتقول دريم بارك دول مخصصيين لدريم

او 

موقف السبتيه اللي في رمسيس هناك في ميكروباصات بتقول دريم بارك ومدينة الانتاج الاعلامي هتنزلك قدام دريم علي طول
او
في مكروباصات من عند قسم الازبكية لدريم بارك

من المرج 

لو مواصلات

تقدر تركب من الموقف إللي جنب مترو المرج .
إركب الميكروباص إللي بيروح  6 أكتوبر.
إركب وقول للسواق ينزلك عند العربيات إللي بتروح دريم بارك، هتنزل قدامها.

لو بالمترو

إنزل محطة السادات أو رمسيس وخد ميكروباص أكتوبر من هناك ،هينزلك عندها

من حدايق القبة 
تعرف توصل لرمسيس عن طريق شارع مصر والسودان 
وبعدين لما توصل رمسيس تطلع المحور من عند الاسعاف 
هتمشي لحد لما توصل الدائري هتعدي من تحت الدائري وتاخد تاني طلعه للدائري اللي توديك في اتجاه الهرم
تفضل ماشي في الطريق ده 
هتلاقي طلعه صفط ووصله المريوطيه الجديده سيبهم وكمل زي ما انت عالدائري هتلاقي بعد كده نزله يمين ونزله شمال (بتوع اسكندريه الصحراوي) سيبههم وكمل الطريق اللي في النص لحد اخر الطريق هينزلك علي طريق الواحات ودريم بارك علي يمينك

Leave A Comment?