اخسرى وزنك واكسبى نفسك

مساء الورد على كل متابعينى اهلا بيكم معايا فى موضوع جديد الحقيقه كتيير منكم طلبوه منى  واتمنى انى اقدر افيدكم فيه ان شاء الله .
موضوعنا النهارده عن مشكله كبيييره جدا كتير مننا فى الوطن العربى بل وفى العالم كله بيعانى منها  طبعا بتكلم عن السمنه او زيادة الوزن .
مين مننا سواء بنات ، سيدات ،رجال واطفال كمان مجاش عليه وقت وزنه زاد وحاول ينزل الزياده دى بكل الطرق مننا الى بيقدر يتحكم فى حاجه زى كدا ومننا الى بيفشل لاسباب عديده وزى ما عودتكوا خلينا قبل اى شئ نستعرض مع بعض الاسباب المؤديه للمشكله .
اسباب السمنه او زيادة الوزن :
اول حاجه لازم نفهمها كويس ان الاساس فى زيادة الوزن مش ديما بيكون الاكل بكميات كبيره طبعا هو سبب ولكن ليس كل الاسباب وانا شخصيا ممكن اكون باكل احيانا بكميات كبيره تعتبر ومع ذلك بقدر احافظ على وزنى فى حين ان ناس تانيه كتير بتاكل كميات اقل منى ومع ذلك بيعانوا من الوزن الزائد وداطبعا بيكون بسبب لخبطه فى الهرمونات او ان معدل الحرق  بيكون قليل وبالتالى بيزيد الوزن ثانيا ودا سبب رئيسى عند السيدات الحمل والولاده واحيانا فترة الرضاعه كل دى عوامل بتتسبب فى زيادة الوزن بشكل كبيير لدى السيدات وطبعا دا شئ خارج عن ارادتهم ثالثا السمنه بالوراثه ممكن جدا يكون السبب الوحيد للسمنه العوامل الوراثيه فقط من الام او الاب كمان حاجه مهمه جدا وهى النفسيه السيئه ودى بأه لوحدها مشكله كبييره جدا لان بطبيعة الحال الشعور بالضيق او الحزن بيدينا احساس فورى بالحاجه للطعام وانا واثقه ان معظمنا بيلبى الحاجه دى   كمان مننساش نذكر الكسل او قله الحركه وعدم ممارسة الرياضه بشكل شبه يومى ودا بيؤدى لتراكم الدهون فى الجسم مما يؤدى لزياده الوزن طبعا كمان الفاست فود والمشروبات الغازيه وخلافه بتتسبب فى زياده فظيعه فى الوزن وكمان المنبهات الغنيه بالكريمه زى النسكافيهات وخلافه  كمان تناول ادويه فيها كورتيزون بنسبه كبيره لفترات طويله عامل قوى ايضا فى زيادة الوزن ممكن نكون بناكل كميات بسيطه ولكن بناكل اطعمه سعراتها الحراريه عاليه جدا زى المكسرات مثلا  وبردو هقولكوا على اطعمه نحاول نقلل منها لو عايزين نخسر الوزن الزياده وكمان اطعمه مفيده وسعراتها الحراريه منخفضه نحاول شويه نعتمد عليها   اكلات سعراتها عاليه جدا :
خلينا نبدأ بالمكسرات زى مثلا الكاجو الواحده منه بتدينا ١٦٥ سعر حرارى
الباستا ودى بأه كتير مننا بيحبوها جدا وخاصة اطفالنا مع ان سعراتها عاليه جدا كل ١١٢ جرام من الباستا المطبوخه بتدينا ١٥٠ سعر حرارى
النوتيلا كل ١٠٠ جرام بيدينا ٥٤١ كالورى
الجبن المشبعه بالدهون  زى الشيدر والموتزيريلا وخلافه كل ٢٥٠ جرام بيدينا ٦٩ كالورى
الكورن فيليكس واى حبوب تانيه للفطار بردو ياريت نجتنبها لان سعراتها بردو عاليه جدا تخيلوا ان كل ١٠٠ جرام بيحتوى على ٣٧٠ كالورى يعنى كارثه لوحدها
الناس باه الى بتستخدم زبده الفول السودانى بليييز بلاش لان معلقه واحده صغيره من الزبده دى بتدينا ٩٦ كالورى
العيش المخبوز من القمح فقط بيدينا ٦٩ كالورى للشريحه الواحده احذروا
وطبعا الشوكولاته كمان والزبادى بالفاكهه وعصاير الفواكهه الطبيعيه الموجوده بالسوبر ماركت ياريت بردو نحاول نقلل منها بالقدر المستطاع
دى كدا قايمه بالاطعمه الى بتزود الوزن والى ياريت نحاول نتجنبها لو عايزين نخسر الوزن الزايد اما بأه بالنسبه للاطعمه الى ممكن نعتمد عليها فى فترات الريجيم هى
التفاح والخبز البنى وممكن التونه بدون زيوت طبعا  والعدس كمان  وممكن الكمثرى  وممكن صدور الفراخ بكميه بسيطه وممكن البيض المسلوق وطبعا الخضار بانواعه وكمان التوست الناشف وكمان ممكن الجمبرى  وطبعا يفضل تناول الشاى الاخضر والقرفه والزنجبيل ودى حاجات بتساعد جدا على حرق الدهون فى الجسم جربوها وهتدعولى خلينا بأه نعرف ممكن نعمل ايه تانى علشان ننزل الوزن الزايد من جسمنا
اول حاجه بلاش الحاجات الى بتفتح النفس عل الاكل زى المخللات مثلا 
بلاش موضوع المكسرات دا بجد يعتبر عامل كبيير فى زيادة الوزن
بلاش بليز الحاجات المقليه زى البطاطس والاطعمه النص سوى والكلام دا ممكن مثلا لو بتحبى البطاطس المقليه تقطعيها صوابع وترصيها فى صاجه وادهنى وشها بزيت بس قليل جدا ودخليها الفرن بكدا هتاكليها زى ما بتحبيها وفى نفس الوقت مش هتزود وزنك بس طبعا بكميه قليله
الميه ودى حاجه مهمه جدا جدا لازم نشرب كميات كبيييره اثناء الريجيم علشان نحس بالشبع ومناكلش كميات كبيره
طبعا كلنا عارفين ان ممارسة الرياضه شئ مهم وعامل اساسى فى خسارة الوزن ومش بس كدا لا كمان علشان الجسم يتشد وميكونش فى اى ترهلات بعد خسارة الوزن 
وياريت قبل ما نبدأ فى اى ريجيم نزور طبيب علشان نعرف ايه سبب الوزن الزايد من الاساس لان ممكن جدا تكون مشكلة هرمونات او غده درقيه وممكن يكون معدل الحرق قليل علشان كدا اول  خطوه انك تزور طبيب  
واخيرا هقولوكوا على احدث نظام ريجيم فى العالم والى اثبت فاعليه كبيره فى خسارة الوزن الزايد وهو ريجيم الميه
النظام دا مفيد جدا مش بس لخسارة الوزن لا كمان علشان التخلص من الاملاح الزايده وكمان علاج الضغط المنخفض وتنشيط الدوره الدمويه والتخلص من اى سموم فى الجسم 
ودلوقتى سجلوا معايا النظام دا وان شاء الله مع الاستمرار عليه هتشوفوا نتيجه هايله
اولا الفطار : كوبيتين كبار ميه  توستايه واحده ويفضل ناشفه وبيضه مسلوقه طبعا  وتفاحه او برتقاله واحده بعد ٣ ساعات ناخد كوبايه كبيره ميه مع تفاحه وجبة الغدا هتكون كوباية ميه كبيره قبل الاكل مباشرة وقطعة لحمه او فراخ او تونه او سمك مشوى او مسلوق واهم حاجه نشيل عن اى نوع من دول الجلد علشان نسبة الدهون مع خضار سليم بدون ملح  وبعد ٣ ساعات كوبيتين ميه كبار مع تفاحه اما بالنسبه لوجبة العشا فهتكون كوباية ميه كبيره وقطعه او اتنين من فراخ او لحمه او سمك مشوى او مسلوق وطبق خضار مشكل مشوى او مسلوق مع طبق سلطه خضره  بس كدا
وللعلم النظام دا بيشتغل على ملئ المعده بالميه قدر المستطاع لضغط المساحه الخاصه بالاكل ودا بيدى احساس مستمر بالشبع وكمان شرب الميه بكميات كبيره بيساعد جدا جدا فى حرق الدهون اهم حاجه الاستمراريه والاراده لو سمحتوا  ولعب رياضه بشكل يومى وكمان النوم عدد ساعات كفايه والبعد عن المنبهات الكتيير زى القهوه  وبكدا يكون خلص موضوعنا النهارده واتمنى اكون قدرت افيدكم واستنونى بكره فى موضوع جديد بناءا على طلباتكم هنتكلم فيه وهو عن العيون والاهتمام بيها  واستنوا منى مفاجات تانيه كتيره بس مع ياسمين

Leave A Comment?