ازاي اروح حديقة الازهر

 ازاي اروح حديقة الازهر

من رمسيس :

تركب عربية مستشفى الحسين هتنزل هتلقيها فى وشك

او

ميكروباص من شارع الجمهورية خلف جامع الفتح لكنه سينزلك تقريبا عند دار الافتاء او جامع الحسين وستركب تاكسى توصيلة حوالى 600 متر او 1000 متر الى حديقة الازهر لان احديقة فى مكان ليست له اى مواصلة حكومية او مينى باص.

من 6 اكتوبر : 
متطلع الدائري من الميرطيه هرم في اتجاه التجمع هيقابلك يافطه حلوان والمعادي كمل وانزل بعد كوبري الاوتستراد نزله مدينه نصر امشي علطول وهتطلع كبري قبل القلعه بعديه خد يمين في مخرج المقطم ويمين كمان ويمين كمان هتلاقيك عند طريق المشيخه والازهر بارك



طريق تاني ممكن تاخد المحور وبعدين تاخد الكوبرى اللى بعده وتنزل تاخد كوبرى 15 مايو وتنزل تانى نازله بعد البحر بتاعت ماسبيرو وتكمل
على طول لحد ميدان عبدالمنعم رياض وتطلع من هناك كوبرى اكتوبر وتنزل نزلة الاسعاف وتاخد شارع عبدالخالق ثروت اللى
على اوله نقابة المحاميين واخر عبدالخالق ثروت هتلاقى كوبرى الازهر هتطلعه وتنزل قدام جامع الازهر هتمشى قدام شوية
هتبقى على صلاح سالم مش هتمشى اكتر من 300 متر وتلاقى الحديقه على يمينك

طريق تالث

تاخد من اكتوبر المحور وتطلع الدائري في اتجاه السويس ومدينة السلام
هتاخد طوالي لحد لما تلاقي يافطة مدينة السلام وهتلاقي في وشك نفق (ده اول نفق هتقابله) ما تنزلوش تاخد يمين وهتطلع بره الدائري تاخد يمين مع الطريق ده اسمه شارع جسر السويس هتمشي فيه طوالي هتلاقي كوبري اطلعه هتلاقي بياخدك في اتجاه الشمال كده انت بقيت قي جوزيف تيتو تمشي طوالي لغاية لما تلاقي ملاهي السندباد على يمينك تقوم ماسك شمال مع الطريق وهتلاقي نفسك بتعدي على شريط تروماي وتمشي طوالي هتلاقي على يمينك الاستاد تاخد اول يمين هو ده شارع صلاح سالم تمشي فيه طوالي هيقابلك كوبري الاول وبعدين نفق وهتمشي طوالي هتلاقي كباري تانية زي استمر ما انت هتلاقي في طريقك على اليمين جامع الشرطة وجامع الرحمن الرحيم وهتلاقي نفق الازهر ما تنزلوش خد شماله كده انت قربت جدا لحد لما تلاقي الازهر بارك على يمينك خش على البوابة هتلاقي البارك جوه.

من شبرا الخيمة 

تركب مترو لسيد عايشه و انزل اركب مكيروباص ….. ممكن تنزل العتبه وتركبه من العتبه عربيه

او


اركبي المترو من شبرا الخيمة للسادات وغيري وإركبي اتجاه حلوان للملك الصالح ومن هناك إركبي ميكروباص السيدة عائشة ومن السيدة عائشة إركبي ميكروباص الدراسة هيوصلك لحديقة الأزهر

من العباسية 

من ميدان العباسيه قبل وزاره الماليه من تحت الكوبرى هتلاقى طريق صلاح سالم المهم توصل لآول طريق صلاح سالم ومن هناك
اى ميكروباص او باص داخل صلاح سالم ديركت قول له عايزه انزل عند حديقه الازهر
هى عالطريق العمومى  مافيش خطوتين هتلاقى نفسك قدام الحديقه

Leave A Comment?