ليه تهدرى لو ممكن توفرى

اهلا بيكم فى موضوع جديد من موضوعاتنا الى تهم كل ست مع ياسمين
طبعا كلنا بنعانى كتيير من الغلاء الفاحش الى اصبح عليه  الحال دلوقتى واكيد دا اثر على امكانيات المعيشه عند معظمنا وطبعا الى كانت بتقدر زمان توفر ولو جزء بسيط من مصروف البيت الشهرى مستحيل دلوقتى تقدر تعمل كدا الا اذا اثرت فى حق البيت
اصبح متوسط الراتب الى تقدر اسره مكونه من اربع افراد تعيش بيه عيشه معقوله نوعا ما حوالى ١٥٠٠ ج مثلا ودا طبعا للاكل وطلبات البيت الداخليه فقط
موضوعنا النهارده يخص كل ست بتعانى من الغلاء وصعوبة المعيشه
النهارده مع ياسمين هقولكوا ازاى تقدروا توفروا من مصروف البيت ولو جزء بسيط وطبعا الى هتوفريه هتقدرى تستفيدى بيه فى حاجات تانيه بردو للبيت او لاولادك او ليكى
تقدرى تشوفى ايه ناقص بيتك من ادوات سواء للمطبخ او للتنظيف او خلافه او حتى للتزين والمفروشات وغيره وغيره حاجات كتير اصبح الاهتمام بيها شئ صعب جدا فى الظروف الماليه الحاليه
خلينا نبدا مع بعض نرتب افكارنا
مبدأيا كدا انك تشترى طلبات اكلك يوم بيوم شئ مكلف جدا وبيهدر موارد كتيير فدا شئ لازم منعملوش ابدا ،اشترى طلبات بيتك كل اول شهر او كل اسبوعين او كل اسبوع واحد حتى ودا بيفور كتير عن تجربه ويفضل طبعا كل شهر ودا مش صعب ابدا على فكره ولو فاكره ن دا هيحرمك من ان اكلك يكون طازه يوم بيوم فأنتى غلطانه طبعا لان فى طرق كتيير للتخزين تخلى اكلك يفضل طازه ديما
مثلا الخضروات  زى الباميه والبسله وورق انب وحتى البقدونس والشبت والكزبره وخلافه وحتى الكرنب كمان كل دى حاجات ممكن تجيبى منها كميه مناسبه وتنظفيها كويس وبعدين تغلى ميه فى حله كبيره وتحطى الخضار فى مصفاه وتحطيها فوق الحله لمده ٥ دقايق مثلا وبعدين  شيله وسيبه يبرد شويه وابدأى وزعى الكميه على اكياس كل كيس يكفى لطبخه واحده
وبالنسبه للحوم من فراخ ولحمه وكبده واسمالك ومفروم وخلافه فبردو اشترى كميه تكفى شهر كامل واغسليها كويس وبعدين قسميها فى اكياس بردو كل كيس يكفى لمره واحده وهكذا
ممكن كمان تشترى كميات من الفواكه الى تستخدميها كعصاير زى الفراوله المانجه البرتقال الليمون كمان ممكن تقشريه وتحطه فى اكياس وتخزنيهتانى حاجه الشهر دا مثلا لقيتى ان فى حاجه سعرها كويس اوى هاتى منها كميه كبيره تكفى كذا شهر وخزنيها فى الفريزر وطبعا لما يجى عيها وقت وتغلى انتى هتكونى بتحمى مصروف بيتك من الضياع ملا الليمون حاجه مهم وجودها فى البيت جدا اوقات ممكن يكون الكيلو ب٥ واوقات تانيه ب٣٠. وطبعا دا كتيير يوم لما تلاقيه ب٥ هاتى كميه كبيره واعصريها او قشريها وشيليها فى اكياس فى الفريزر وعند الاستخدام طلعى كيس بكيس وفضيه فى اى زجاجه فاضيه واستخدميه براحتك وكدا مش هتضطرى تشترى الكيلو ب٣٠حاجه كمان مهمه جدا بتضيع كتير من مصروف البيت وهى الاكلات المجهزه فى السوبر ماركت طبعا بتكون غاليه وكتيير ستات بتستسهلها لانها بتوفر عليها مجهود ووقت  بس لو بصينا للموضوع فهو يعتبر تبذير نوعا ما ليه تضطرى تشترى حاجه بضعف التمن لما ممكن انتى تجهزيها زى ما قولتك الموضوع بسيط خصصى يوم كل اول شهر لتنظيف الخضار وشيليه جاهز على الطبخ وانتى هترتاحى طول الشهر وكمان هتوفرى دا غير الاهم بأه انك هتكونى ضامنه نظافه اكلك علشان صحة اسرتك وصحتك انتى كمان كمان لو عايزه توفرى وتبقى ست بيت شاطره لازم وانتى بتحضرى اكلك كل يوم تاخدى بالك من الكميه بلاش تهدرى فى موارد بيتك على الفاضى والمليا يعنى مثلا لو انتوا اربع افراد كفايه اوى كوبيتيت رز متوسطين مع الشعريه  مش لازم تحضرى اكل بكميات كبيره جدا لانها فى الاخر بتترمى  ف ليه تهدرى احسن وفرىوالى هتوفريه هينفعك بعدين اكيد ومن ناحيه تانيه هتعودى اولادك على الاقتصاظ ودا شئ مهم هيجهلهم اشخاص مسؤولين فى كافة تعاملاتهم اليوميه وهتبعديهم عن نقمة التبذيرحاجه بأه انا شخصيا بعملها فى بيتى بشكل دائم وهى انك لازم تخصصى يوم فى الاسبوع فى نهايته مثلا وتجمعى فيه جميع بواقى الاكل الموجوده فى التلاجه وتبقى عاده عند اولادك وعرفيهم اننا كدا بنرضى ربنا وبنقدر نعمته علشان مش بنرميها وممكن علشان ميملوش تجددى فيها شويه يعنى مثا كنتى عامله سمك مقلى واتفضل منه سمكتين تلاته  قطعيهم واعملى خلطه طماطم ببصل وتوم وفلفل وسبكيها كويس وبعدين حطى عليها السمك ودخليها الفرن ربع ساعه او مثلا لو باقى عندك مكرونه بشاميل حطى على وشها جبنه موتزيريا مبشوره ودخليها الفرن ربع ساعه هتفرق جدا فى طعمها ومنها بتجددى لاولادك علشان تمنعى الملل عنهم حاولى ديما تنوعى فى الاكل مش لازم ابداكل يوم لحوم لانه اولاالموضوع دا غير صحى بالمره وكمان غير اقتصادى ابدا وكمان نفسيا بيخلى اولادك اغبى اجتماعيا لانهم بالشكل دا مش بيحسوا بالاقل مستوى منهم يعنى مثلا النهاره عملتى محشى وفراخ ممكن تعملى بكره شوربة عدس وبعده عملتى سمك يبقى اليوم الى بعده كشرى مثلا وطبعا الحاجات دى قيمتها الغذائيه عاليه جدا ومنها بعودى اولادك على عاده سليمه صحيا ونفسيا واجتماعيا كمان موضوع بيضيع كتيير من مصروف البيت وهو الاكلات الجاهزه ال اطفالنا جميعا بيحبوها  زى البيتزا والحلويات مثلا الحاجات دى سهل جدا تحضريها فى البيت بطعم احلى ونظافه اكتر وتكلفه اقل ومنه بردو تغيير فى الاكلات الاعتياديه اليوميه علشان اطفالنا وانا عن نفسى بنتى اصبحت بترفض انى اشترى البيتزا او الحلويات من بره البيت لانى بعملهالها بحشو اكتر وبطرق جديده جربوا ومش هتندموا ابدا  
حاولى كمان توفرى فى الكهرباء على قد ما تقدرى مش لازم تكون ترموستات التلاجه مثلا على اعلى حاجه ومش لازم تشغلى الديب فريزر لو كميه الاكل الى فيه ينفع تتحط فى اللاج ومتنسيش تفصلى السخان شغليه قبل الاستخدام بشويه وبعدين افصليه حاجه اخيره فى خروجات اولادنا بنضطر نشترى حاجات كتيير من بره عصاير وحلويات وخلافه حضرى ازازه عصير بيتى قبل الخروجه وكمان حاجه حلوه لاولادك علشان متضطريش تشترى من بره حاجات كتير والى هتوفريه ممكن تشترى بيه لاولادك هديه مثلا وتفرحيهم  وبكدا تكونى ضربتى عصفورين بحجر واحد
اتمنى طبعا اكون قدرت افيديكم النهارده بموضوعنا ازاى توفرى واستنوا منى مواضيع مهمه وجديده مع ياسمين وبس

1 Comment

Leave A Comment?