لو جاى من 15 مايو اركب من عند سوق المجاوره لحلوان ومن حلوان اركب مترو اتجاه المرج وانزل المرج الجديده اركب من تحت الدائرى اتوبيس مدينه الرحاب او ممكن تركب من موقف توشكى لموقف العاشر ومنه تركب للرحاب

لو جاى من الجامعه الامريكيه اركب من موقف التسعين لموقف العاشر ومنه تركب للرحاب لو جاى من الجامعه الامريكيه ممكن تركب اتوبيس 1124 من قدام الجامعه وتنزل المرج الجديده تركب من تحت الدائرى اركب للرحاب

لو جاى من العباسيه اركب مينى باص لاول مكرم ومنه اتوبيس للرحاب

لو جاى من المطبعه بالمعادى اركب من موقف المطبعه للهرم ومن موقف مشعل اركب لاول مكرم ومن اول مكرم اركب للرحاب

لو جاى من اول عباس اركب من عند طيبه مول اتوبيس او مينى باص لمدينه الرحاب

لو جاى من حدايق القبه اركب مينى باص لاول مكرم ومنه اتوبيس للرحاب

لو جاى من سراى القبه اركب من جمب محطه المترو اتوبيس لمدينه الرحاب على طول

لو جاى من مترو كليه الزراعه اركب المترو اتجاه شبرا وانزل شبرا الخيمه اركب من تحت محطه مترو شبرا لموقف العاشر ومنه اركب للرحاب او ممكن تركب المترو اتجاه الجيزه وتنزل الشهداء وتركب من جمب مسجد الفتح مينى باص لموقف العاشر ومنه للرحاب

لو جاى من مول العرب اركب من قدام مول العرب الناحيه التانيه اى حاجه رايحه الدائرى وانزل وراق واركب من على الدائرى لموقف العاشر ومنه اركب للرحاب او ممكن تركب من قدام المول للمؤسسه ومنها تركب لموقف العاشر ومنه للرحاب

لو جاى من الرحاب اركب من عند بوابه 6 اتوبيسات المرج الجديده ومن على الدائرى اركب لموقف العاشر ومنه عربيات دره للجامعه