الأربعاء، 15 مارس، 2017

ازاي اروح مستشفي الهرم في الهرم

ازاي اروح مستشفي الهرم في الهرم 

محطه مترو جيزه اول ما بتنزل بيكون في ميكروبصات هرم مريوطيه ب 2.5 جنيه(اتأكد انه مش اخره العريش و مكمل لمريوطيه)
اركب و قول للسواق ينزلك عند مستشفى الهرم.. هتكون علي ايدك الشمال علي شارع من بره هتشوفها يعني .. هي قبل المريوطيه بشويه

ازاى اروح ابو رواش فى الجيزة من رمسيس

ازاى اروح ابو رواش فى الجيزة من رمسيس
اركب اكتوبر و انزل سلم الصحراوي و هتلاقي عربيات اما تنزل السلم قريه و ابو رواش

ازاى اروح من شبرا مركز تدريب مصرللطيران بجوار فندق نوفوتيل المطار

ازاى اروح من شبرا مركز تدريب مصرللطيران بجوار فندق نوفوتيل المطار
من مترو شبرا الخيمة اركب لمحطة روض الفرج ومن هناك هتلاقي في الموقف باص بيروح المطار وانزل عند البنزينة او المستشفي واتمشي شوية لقدام وهتلاقي المركز جمب الفندق
او
روح الأهرام وخدى اتوبيس 324 او 971 وقول له عاوز انزل البنزينة الى جنب المطار هتنزل هناك هتمشى مسافة صغيرة اى حد هناك هيقولك عليها وهتلاقى المبنى 

ازاي اروح 52 شارع الثورة ، من حلمية الزيتون

ازاي اروح 52 شارع الثورة ، من حلمية الزيتون
من الحلميه اركب عربيات اول عباس وانزل اول الكوبري النزهه هتمشي جنب الكوبري هتلاقي تقاطع ده شارع الثوره وتقريبا 52 عند السنترال او من الحلميه برضو اركب عربيات 4.5 وانزل ملف فلسطين انت كده بقيت في شارع الثوره

ازاي اروح من السيده زينب ل 6 شارع حسن محمد امام كايرو مول الهرم وامام بنك القاهره

ازاي اروح من السيده زينب ل 6 شارع حسن محمد امام كايرو مول الهرم وامام بنك القاهره
اركب من السيدة زينب ميكروباص الجيزة و من ميدان الجيزة اركب ميكروباص هرم و قوله ينزلك عند حسن محمد

ازاي اروح شارع التسعين في التجمع الخامس من مدينة السلام

ازاي اروح شارع التسعين في التجمع الخامس من مدينة السلام
اركب حاجة لموقف العاشر و من موقف العاشر اركب ميكروباص الخامس شارع التسعين

ازاي اروح القصر العيني من المؤسسة شبرا

ازاي اروح القصر العيني من المؤسسة شبرا
اركب المترو انزل السادات حول اتجاه حلوان انزل السيده زينب هتتمشي شويه صغيرين

ازاى اروح مدينة نصر من محطة حدائق الزيتون

ازاى اروح مدينة نصر من محطة حدائق الزيتون
انزل محطة مترو سراي القبه اقفي عند السنترال .... هتلاقي ميني باص 265 / 159 / 1/ 72 / 18 / 225 او اتوبيس 1033 كل دول بيروحوا مدينه نصر في اماكن مختلفه منها في اقل من 30 دقيقة
او
انزل كوبري القبه واركب اي حاجه مدينة نصر او انزل الشهداء واركب من عند مسجد الفتح اتوبيسات كتير

ازاي اروح شارع السبعين في التجمع الخامس من ميدان رمسيس

ازاي اروح شارع السبعين في التجمع الخامس من ميدان رمسيس
فيه ميكروباصات في رمسيس بتروح التجمع .. وفيه باصات الافضل تاخد ارقام 1111 او 1018 ,,, بياخدوا طرق مختصرة للتجمع عن طريق محور المشير .. بدل ما تلف مدينة نصر حلها تامن عاشر تبه وبعدين التجمع

الثلاثاء، 14 مارس، 2017

ازاى اروح من رمسيس الى السفارة السعودية عند شارع دى جول

ازاى اروح من رمسيس الى السفارة السعودية عند شارع دى جول

ممكن تركب المترو للجيزه و من هناك عربيات كيت كات هينزلك ادامها --- ولو فى حاجه من رمسيس هتعديك كوبري الجامعه اركبها هينزلك جنبها

اروح ازاى المعادى من الهرم

 اروح ازاى المعادى من الهرم
اركب ميكروباص من المريوطية الى المعادى. لو جاى من الجيزة ح تلاقى الميكروباص على يمينك مش على شمالك

ازاي اروح لمستشفى عين شمس التخصصي

ازاي اروح لمستشفى عين شمس التخصصي
هي أمام جامعة عين شمس يعني أي حاجة توديك ميدان العباسية


اقرب محطه مترو ليها منشيه الصدر او محطه مترو العباسيه الاتنين قريبين

الأحد، 12 مارس، 2017

ازاي اروح من الشرقيه اكتوبر

ازاي اروح من الشرقيه اكتوبر 
اركب عبود وانزل المحور واطلع السلم هتلاقي اتوبيسات ماشية او روح لموقف اكتوبر

ازاي اروح الأميرية من رمسيس

ازاي اروح الأميرية من رمسيس
اركب مترو اتجاه المرج انزل كوبرى القبة هتلاقى مواصلات الاميرية تحت الكبرى على ايدك الشمال اول ما تخرج م المترو
او

اركب المترو لغاية سراى القبة و اركب من جمب قصر الطاهرة اى حاجة رايحة السواح و فى اتوبيس 1090

الجمعة، 10 مارس، 2017

ازاى اروح سيتى استارز من شبرا

ازاى اروح سيتى استارز من شبرا 
لو شبرا الخيمة مينى باص ١٨ فى مساكن اسكو او 26 من بيجام بيطلعوا مسطرد ولو شبرا مصر فى اتوبيس 1016 بشوفه فى الدوران مكتوب عليه اول مكرم
او
اتوبيس ١٢٠ وانزل عباس العقاد هتمشي شويه

ازاي اروح من الشهدا الي حديقه الميرلاند مصر الجديده

ازاي اروح من الشهدا الي حديقه الميرلاند مصر الجديده
محة مترو سراي القبة و من هناك اركب ميكروباص روكسي هتلاقية جمب المترو , و هتتمشاها قريبة .

ازاي اروح شارع المعز والحسين من الحصري

ازاي اروح شارع المعز والحسين من الحصري 
 تركب من الحصري للمترو وتركب خط شبرا وتنزل العتبه وتغير تركب خط العباسيه وتنزل محطه باب الشعريه، هتمشي 7دقيقه للمعز

ازاي اروح لكوبري الجلاء في مصر الجديدة من الهرم مشعل

ازاي اروح لكوبري الجلاء في مصر الجديدة من الهرم مشعل
اركب رمسيس دائري و انزل رمسيس اركب اي حاجة رايحه صلاح سالم
او

ميكروباص لاول عباس و من عند ميدان الساعة ميكروباص مطرية او الف مسكن

ازاي اروح شارع النصر في المعادي من الهرم

ازاي اروح شارع النصر في المعادي من الهرم 

ممكن من المريوطيه ..او تروح المترو وتغير الاتجاه من السادات ..تركب اتجاه حلوان .. وتنزل المعادي وتركب من قدام المترو شارع النصر

ازاي اروح المنيب من الحصري

ازاي اروح المنيب من الحصري

اركب للجيزة وانزل الميدان واركب اي ميكروباص رايح المنيب من هناك
او


في عربيات المنيب دايركت م الحصري

ازاي اروح مول العرب من البحوث

ازاي اروح مول العرب من البحوث
مترو الأنفاق من البحوث لميدان الجيزة وهناك ميكروباصات أكتوبر الحصرى يعدى من أمام مول العرب وده يتوفر وقت اكتر.
او
اركب ميدان لبنان و انزل هتلاقي عربيات اكتوبر

ازاي اروح من اول عباس للازهر بارك

ازاي اروح من اول عباس للازهر بارك
ممكن تركب ميكروباص رمسيس هينزلك جامع الفتح ، ع شمال الجامع تلاقي عربيات سوزوكي الصغيرة بتروح الحسين وحديقة الازهر وهترجع بنفس الطريقة

ازاي اروح مدينة الشروق من الحصري في 6 اكتوبر

ازاي اروح مدينة الشروق من الحصري في 6 اكتوبر
من الحصري لموقف العاشر ومنه للشروق

ازاى اروح عبود من التحرير

 ازاى اروح عبود من التحرير
يا اما تاخد المترو لحد المظلات وتمشي او تركب لعبود من هناك
او تركب اتوبيس من موقف عبد المنعم رياض

ازاي اروح كايروفيستيفال من مترو البحوث في الدقي

ازاي اروح كايروفيستيفال من مترو البحوث في الدقي
انزل الشهداء.. ومن عند مسجد الفتح ف اتوبيس 1018 بيعدي من قدام المووول من البوابه ال ورا
او 1064 وهتنزل على الدائري قدام هوندا ورا المووول يا دوب هتعدي الطريق

او

من المنيب اى حاجة رايحة التجمع الخامس او الغاز فى التجمع الخامس هتوديك عنده

اروح ازاي نادي الشمس

 اروح ازاي نادي الشمس
انزل محطة عين شمس و اطلع برا اركب ميكروباصات مسكن و انزل الاخر و اطلع برا علي جسر السويس هتعدي الشارع و امشي شمال هتلاقي سور نادي الشمس علي يمينك خليك ماشي لحد ما تلاقي بوابة خش منها

الأربعاء، 8 مارس، 2017

ازاي اروح الشيخ زايد من رمسيس

ازاي اروح الشيخ زايد من رمسيس
في عربيات بتروح اكتوبر و قله ينزلك عند هايبر وان .. ومن عند هايبر في عربيات بتدخل زايد .

الاثنين، 6 مارس، 2017

ازاى اروح دار ابن لقمان وجزيرة الورد من موقف المنصورة

ازاى اروح دار ابن لقمان وجزيرة الورد من موقف المنصورة

هتركب من الموقف ميكروباص الجامعة خليه ينزلك عند جزيرة الورد عالمشاية العلوية تنزل الشارع هتلاقيك عالمشاية السفلية قدام جزيرة الورد
بعدين لو عاوز تروح دار ابن لقمان هترجع تاني فوق تركب ميكروباص بيعدي على كوبري طلخا (ميكروباص الدراسات مثلاً) ولما تنزل عند الكوبري خد الشارع اللي في وش الكوبري (شارع بورسعيد) امشي حبه هتلاقي دار ابن لقمان عاليمين

ازاى اروح التجمع الخامس من دار المشاه بصلاح سالم

ازاى اروح التجمع الخامس من دار المشاه بصلاح سالم 
اركب حاجة للسيدة عائشة و من موقف السيدة عائشة فى ميكروباصات كتير للتجمع و شارع التسعين

ازاي اروح 12 شارع الربيع من ش الطيران امام مستشفي التامين الصحي بجوار عم جمبري من محكمة شارع السودان او مترو البحوث

ازاي اروح 12 شارع الربيع من ش الطيران امام مستشفي التامين الصحي بجوار عم جمبري من محكمة شارع السودان او مترو البحوث
ميني باص ٦٦ بيدخل شارع الطيران
بالمترو تنزل الشهدا وتطلع ناحيه جامع الفتح هتلاقى مينى باصات او ميكروباصات بتروح شارع الطيران قول له هينزلك عند التامين

السبت، 4 مارس، 2017

إزاي اروح ساقية الصاوي

إزاي اروح ساقية الصاوي


اركب اي اتوبيس او ميني باص 125 او 66 او اي ميني باص - اتوبيس مكتوب عليه في المحطات الزمالك هاتشوفه وهو جاي عليك يعني مكتوب فوق الشباك الي قدام او جمب الباب في اغلب الوقت ..

ولو ميكروباص اركب اي حاجة رايحة رمسيس ده يمكن اسرع شوية واركب من رمسيس نفس الاتوبيس او الميني باص او مترو للاوبرا بس بعدها هتاخد تاكسي وده كده كتير يعني

ولو مترو بس روح لمحطة كلية البنات او ارض المعارض .. او اقرب محطة مترو ليك يعني ساعتها وروح الاوبرا س بعدها هتاخد تاكسي وده كده كتير:D

ازاي اروح مول مصر من عين شمس

ازاي اروح مول مصر من عين شمس
مترو وانزل الإسعاف وعربيات دريم بارك من هناك

ازاي اروح أرض المعارض من عين شمس


ازاي  اروح أرض المعارض من عين شمس


تركب ميكروباص للحلميه تركب مترو الحلميه وتنزل الشهداء

او

من ألف مسكن تركبي للسابع .. وتنزل رابعة وتركب من هناك

إزاي أروح مدينتي من الدائري

إزاي أروح مدينتي من الدائري
انزل زهراء مدينة نصر من ع الدائري.. و اركب رحاب بوابة 12 و اركب من الرحاب مدينتي

ازاي اروح عند تقاطع مكرم عبيد مع مصطفي النحاس من ميدان الجيزة

ازاي اروح عند تقاطع مكرم عبيد مع مصطفي النحاس من ميدان الجيزة
انزل رمسيس واركب اي مواصله من عند مسجد الفتح مكتوب عليها مصطفي النحاس هتنزلك هناك

ازاى اروح مستشفى السعودى الألمانى بالمترو

ازاى اروح مستشفى السعودى الألمانى بالمترو
تنزل رمسيس و تركب موقف العاشر صلاح سالم

ازاي اروح من مدينة نصر (الحي السابع )المرج

ازاي اروح  من مدينة نصر (الحي السابع )المرج

من مدينه نصر للمرج اركب مسكن ومن مسكن ميكروباصات مرج
او
من مدينه نصر للمرج لو عرفت تروح للدائري اطلع واركب اتجاه المؤسسه المرج
او
اركب من السابع للحى العاشر و هتنزل هتلاقى عند البنزينة ميكروباصات رايحة موقف العاشر السلام و كمان المرج

ازاي اروح من حلوان لمصر الجديدة ميدان الإسماعيلية

ازاي اروح من حلوان لمصر الجديدة ميدان الإسماعيلية
تركب لرمسيس و من رمسيس موقف العاشر صلاح سالم و انزل قبل كوبري الجلاء و اتمشي 10 د

ازاي اروح من المقطم لجامعة القاهرة

ازاي اروح من المقطم لجامعة القاهرة
من المقطم سيدة عيشه .. و من السيده عيشه جيزه .، .. و من الجيزه جامعه
او

ميني باص 108 هينزلك عند ميدان الجيزة وهناك عربيه تلات اربع دقايق تكوني قدام جامعه القاهره

الخميس، 2 مارس، 2017

اروح ازاى 29 امتداد رمسيس برج نقابة التجاريين من محطة دار السلام

اروح ازاى 29 امتداد رمسيس برج نقابة التجاريين من محطة دار السلام
تنزل محطه العباسيه و تتمشي من هناك و ممكن تنزل رمسيس و تركب لحد النقابه من هناك

ازاي اروح عند نادي الرمايه من شبرا

ازاي اروح عند نادي الرمايه من شبرا
فيه من رمسيس رماية دائري هينزلك عند النادي بالظبط
لو عايز مترو هتنزل محطة الجيزة و تركب اي ميني باص رايح رماية
او فيه كمان اول ما بتنزل من المترو عربيات رماية دائري

ازاي اروح السيدة عائشة من ميدان حلمية الزيتون

ازاي اروح السيدة عائشة من ميدان حلمية الزيتون
ممكن حاجة للعباسية ومنها عربيات السيدة عائشة  اول عباس ومنها السيدة عائشة

ازاي اروح حديقه الاورمان من مدينه نصر

ازاي  اروح حديقه الاورمان من مدينه نصر
من اقرب محطه مترو و تنزل محطه جامعه القاهره و ادام الباب بتاع الجامعه لما تنزل سلم المترو تركب عربيات الجيزه و تنزل ادام الحديقه

الأربعاء، 1 مارس، 2017

ازاى اروح مول مصر من رمسيس

ازاى اروح مول مصر من رمسيس
من موقف الازبكيه اركب عربيات الحى السادس ف اكتوبر هتنزلك قدام المول ب خمسه جنيه
او


من الجيزة عربية بتعدى قدام المول
موقف عربيات اكتوبر ف الجيزة
او


في اكتوبر من رمسيس علطول

اروح شارع تشارل دو جال المتفرع من ميدان الجلاء ال في وسط البلد

اروح شارع تشارل دو جال المتفرع من ميدان الجلاء ال في وسط البلد
انزل الاوبرا و اتمشي لحد ميدان الجلاء او انزل الجيزه و اركب كيتكات هتمشي في شارع شارل دي جول من اوله لاخره
يعني فى حدود 10 د بالكتير بس للعلم ميدان الجلاء مش وسط البلد ده يبقي مدخل الدقي و العجوزه و الشارع اللى متفرع منه هو شارع التحرير يدخل للدقي و شارل دي جول يدخل للجيزه و شارع النيل يدخل للعجوزه و الكورنيش

ازاي اروح مول مصر من حدايق المعادي

ازاي اروح مول مصر من حدايق المعادي 
من المطبعه تركب هرم و تنزل الاخر ( مريوطيه ) و تركب اي حاجه رايحه اكتوبر من الهرم او من نفس الموقف اللي هتنزل فيه عربيات اكتوبر بس لو هتركب من الموقف اسال السواق تمشي واحات ولا صحراوي الاول لو صحراوي يبقي لا عشان مول مصر علي طريق الواحات

ازاي اروح من الشهداء لسينما روكسي او سوق العصر فى مصر الجديده

ازاي اروح من الشهداء لسينما روكسي او سوق العصر فى مصر الجديده
تنزل محطة سراي القبة وهتلاقي قدام المحطة تكاسي وعربيات واقفة ب 10او 5 لو عرفت تفاصل لحد سوق العصر

او تركب اتوبيس من عند" مسجد الفتح" اللي في الشهدا لحد روكسي .
وهيعدي اكيد على سوق العصر .. قول للسواق ينزلك هناك اسم الشارع بتاع سوق العصر الخليفة المأمون

عايزة اروح مساكن الشيراتون من المعادى

عايزة اروح مساكن الشيراتون من المعادى 
اركبي ميكروباص موقف العاشر من عالاوتوستراد هينزلك مساكن شيراتون

ازاي اروح صلاح سالم كوبري الفنجري فتح لله ماركت من الزاوية

ازاي اروح صلاح سالم كوبري الفنجري فتح لله ماركت من الزاوية
فى مينى باصات واتوبيسات من الزاوية بتعدى على حدايق القبة و بتكمل تروح مدينة نصر دى هتعدى على كوبرى الفنجرى 
فيه عربيات من اول الزاويه بتروح عند فتح الله هينزلك اول العماير