الاثنين، 27 فبراير، 2017

ازاي اروح نادي الشمس في مصر الجديدة من حلوان

ازاي اروح نادي الشمس في مصر الجديدة من حلوان
اركب من موقف جديد مساكن شيراتون هينزلك مساكن شيراتون عند البنزينه من عندها ٥ دقائق هتعدي شارع وتتمشي تلاقي نادي الشمس وممكن مترو لحد شهداء وبعدين خط تاني عتبه وبعدين خط ثالث ومنه لمحطة الاهرام ومنها اي باص مساكن شيراتون ينزلك قدام الباب

ازاي اروح بنك القاهره الى جنب الجهاز المركزى للمحاسبات من المؤسسه

ازاي اروح بنك القاهره الى جنب الجهاز المركزى للمحاسبات من المؤسسه
اركب مترو وانزل ارض المعارض وبعدين خد اي حاجة ماشية صلاح سالم محطتين تلاتة بالكتير

ازاي اروح الحديقة الدوليه من محطه الشهداء

ازاي اروح الحديقة الدوليه من محطه الشهداء
اى حاجة رايحة السابع و العاشر او اى حاجة رايحة مصطفى النحاس و فى الحالتين بتنزل عباس العقاد و تمشى حاجة بسيطة
او


مينى باص 120 او ميكروباص لاول عباس ومن اول عباس عربيات انبى

ازاي اروح مسجد فاطمة الشربتلى . التجمع الخامس .من موقف العاشر

ازاي اروح مسجد فاطمة الشربتلى . التجمع الخامس .من موقف العاشر
انزل شارع التسعين و اركب تاكسى لأن مافيش مواصلات لحد المسجد الا اتوبيس احمر بيروح لحد المنطقة الصناعية و بيعدى على المسجد بس مش دايما بتلاقيه بس كدة كدة ممكن تركبه برضه من التسعين عند الغاز
يعنى انزل تسعين - غاز - و اركب تاكسى او لو لاقيت الاتوبيس اركبه

اروح ازاي القلعه

اروح ازاي القلعه 
تنزل مترو الملك الصالح وتسأل ع عربيات السيده عائشه وتنزل السيدة عائشه تتمشي اقل من خمس دقايق

ازاي اروح سينما sun city مساكن شيراتون من مدينة نصر

ازاي اروح سينما sun city مساكن شيراتون من مدينة نصر

فى ميكروباصات من رابعة بتروح موقف العاشر هتنزلك عنده ومن اول عباس واول مكرم برضه 

ازاي اروح مول مصر من رمسيس

ازاي اروح مول مصر من رمسيس
يا اما تركب المترو للجيزه و من الجيزه اي حاجه اكتوبر ..
...يا اما تركب رمايه من موقف الازبكيه و تنزل الرمايه و تركب اي حاجه اكتوبر
او
اركب من رمسيس هرم وقوله نزلني عند عربيات اكتوبر واركب اكتوبر وخليه ينزلك قدام المول

الأحد، 26 فبراير، 2017

ازاى اروح من محطه مصر ل(٢٨ شارع محمود حسن من شارع الميرغنى خلف معرض القرش بجوار كلية البنات

ازاى اروح من محطه مصر ل(٢٨ شارع محمود حسن من شارع الميرغنى خلف معرض القرش بجوار كلية البنات
اركب المترو وبدل ف العتبة للخط التالت وانزل محطة كلية البنات وبعد ما تطلع م المترو اسأل ع الشارع ده

ازاي اروح معرض الزهور من محطه الشهداء

ازاي اروح معرض الزهور من محطه الشهداء 
انزل محطة السيدة زينب و اركب عربيات الجامعة و قول له نزلني معرض الزهور

ازاى اروح من المعادى صقر قريش لشارع الملك فيصل برج السلام بجوار برج الاطباء، اول فيصل، الجيزة.

ازاى اروح من المعادى صقر قريش لشارع الملك فيصل برج السلام بجوار برج الاطباء، اول فيصل، الجيزة.
مترو من المعادي غير ف السادات اتجاة الجيزة ونزل مترو فيصل وتسأل ع عربيات اول فيصل وتركب من هناك وتسأل السواق

السبت، 25 فبراير، 2017

ازاي اروح مستشفي التامين بمدينه نصر من المنصورة

ازاي اروح مستشفي التامين بمدينه نصر من المنصورة
هتركب من الاتوبيس الجديد مصر وتنزل الزراعه تركب مترو وتنزل محطه العتبه تركب اتجاه العباسيه وهتنزل محطه ارض المعارض هي قريبه من هناك
او
اركب من المنصوره حاجه لعبود ومن عبود لرمسيس ومن رمسيس اركب 184او19او78هنزلك التامين الصحي
او

قطر يبقي هتنزل محطه مصر ف رمسيس واركب ارقام الاتوبيسات 184او19او78
او
تركب من المنصوره وهتنزل زراعه وتركب مترو وتنزل الشهدا دي الي هي رمسيس ومن رمسيس اركب ميني باص اخضر 184 هينزلك قدام التامين

ازاي اروح من المقطم الي مركز البحوث في الدقي

ازاي اروح من المقطم الي مركز البحوث في الدقي

لو وصلت لاي محطة مترو هتنزل محطة البحوث و تتمشي 10 دقايق او اقل هتبقي قدامه
او

تركب عربيه من ع الدائري برا لمحطه الزهراء وتحول من السادات وتاخد اتجاه جيزه وتنزل محظه البحوث وتتمشي حبه هتبقي قدامه
او

في اتوبيس من المقطم لشارع التخرير في الدقي رقمه 1085

ازاي اروح الشيخ ذايد من الاشجار طريق الواحات

ازاي اروح الشيخ ذايد من الاشجار طريق الواحات

اخرج من الاشجار خد اليوترن و امشي في الواحات في اتجاة اكتوبر لحد ما تعدي مول مصر على يمينك ادخل اول يمين بعده على ناصيته نادي وادي دجلة
امشي الشارع ده لاخره هتلاقي صينيه ميدان جهينة، كملي فيها اكنك لسه في نفس الشارع و بعدين ادخل اول يمين عند البنزينة انت كده ف زايد

ازاى اروح شارع الطاقة الحى التامن من العباسية

ازاى اروح شارع الطاقة الحى التامن من العباسية
من العباسية هتركب باص 66 هينزلك اول ش الطاقة من مصطفي النحاس

ازاي اروح التجمع الخامس الحي الاول المنطقة السادسة من دار السلام

 ازاي اروح التجمع الخامس الحي الاول المنطقة السادسة من دار السلام
اركب للسيدة عائشة ومن هناك عربيات التجمع

اروح ازاي لصبحي كابر بالمترو

اروح ازاي لصبحي كابر بالمترو 
انزل محطة روض الفرج اول ما تطلع من المحطة اركب توك توك هو الوسيلة الوحيدة اللي هتوديك ليه المسافة مش بعيدة

ازاي اروح الحديقه اليابنيه من الدقى

ازاي اروح الحديقه اليابنيه من الدقى


بالمترو لحد حلوان وبتمشي من محطة مترو حلوان حتي الحديقة هى بالظبط 4 دقايق مشى لحد باب الحديقة 4 شوارع بالظبط من باب المترو لحد باب الحديقه

ازاي أروح المنطقة الحرة _ حى السفارات من السيدة عائشة

ازاي أروح المنطقة الحرة _ حى السفارات  من السيدة عائشة

اركب ميكروباص المقطم من موقف السيدة عائشة و انزل الاخر عند محطة الاوتوبيس و خد اوتوبيس 1006 من محطة اوتوبيس المقطم هتنزل فى المنطقة الحرة - السفارات

ازاي اروح محطة يوسف عباس من محطة الشهداء

ازاي اروح محطة يوسف عباس من محطة الشهداء
انزل محطه ارض المعارض واتمشي شويه ولو هتركب اتوبيس يبقي 120 من رمسيس هينزلك شارع يوسف عباس

إزاي اروح..من شبرا الخيمة للغردقه

إزاي اروح..من شبرا الخيمة للغردقه
شوف اتوبيسات بتاعت جو باص من التحرير وفيه موقف اتوبيسات في رمسيس بس لازم تحجز الاول




وفيه مكاتب عند موقف عبود بتكون ارخص من جو باص

ازاي أروح شارع عبدالمنعم حافظ في مصر الجديدة من جامعة الأزهر

ازاي أروح شارع عبدالمنعم حافظ في مصر الجديدة من جامعة الأزهر
اركب حاجه لعباس واركب 1 او 159 او 225 او 1033 دول بيروحوا مصر الجديده بس اسالهم هيروحوا المكان ده ولا لا

ازاي اروح من المرج ل موقف العاشر

ازاي اروح من المرج ل موقف العاشر
بالمترو تنزل مرج الجديده وتطلع فوق الدائري وتركب عربيات موقف العاشر وهو حوالي 10دقايق او ربع ساعه بكتير حسب الطريق

الجمعة، 24 فبراير، 2017

ازاى اروح وزارة الصحة من على كوبرى عرابى بالمهندسين

ازاى اروح وزارة الصحة  من على كوبرى عرابى بالمهندسين
انزل شارع عرابي وكمل لميدان سفنكس وخد اول يو ترن وخليك ماسك يمين علطول ومتطلعش كباري وبعدين لف مع الشارع يمين هتلاقي نفسك طلعت ع الكورنيش امشي علطول لحد طلعة كوبري اكتوبر ع اليمين اطلعها توصلك التحرير

ازاى اروح مركز التنمية الرياضى جنب مساكن شيراتون من الجيزة

ازاى اروح مركز التنمية الرياضى جنب مساكن شيراتون من الجيزة
اركب اي حاجه للسيده عائشه ومن هناك اركب السلام موقف العاشر اوتوستراد هينزلك عنده

ازاي اروح من الهرم لمسجد عمرو بن العاص اللى ف مصر القديمه

ازاي اروح من الهرم لمسجد عمرو بن العاص اللى ف مصر القديمه

 تركب سيدة عائشه دائري وتقول له ينزلك اقرب مكان لجامع عمرو هاتنزل وتتمشي شويه يجي خمس دقائق مشي
او
اركب سيده عائشه بيعدى من الملك الصالح من المريوطية

الخميس، 23 فبراير، 2017

ازاي اروح المقطم شارع ٩ من المعادى

ازاي اروح المقطم شارع ٩ من المعادى

اركب للسيده ومن السيده للمقطم
او


مترو تنزل الملك الصالح و من قدام المحطة تركب عربيات سوزوكى بتروح المقطم

ازاي اروح 6 اكتوبر من اول مكرم عبيد عن طريق الدائري بالعربية

ازاي اروح 6 اكتوبر من اول مكرم عبيد عن طريق الدائري بالعربية
هتطلع لغاية مسجد السلام وتدخل من جنبه عل طول لغاية الاخر هتلاقي الطريق اللي يطلع علي الدائري

إزاي اروح مطعم صبحي كابر من اكتوبر

إزاي اروح مطعم صبحي كابر من اكتوبر 
من اكتوبر ... اركب رمسيس او اسعاف او تحرير .. وانزل سلم ابو العلا و انزل السلم عدى الناحية التانية من الطريق اركب اى حاجة رايحة مؤسسة وخليه ينزلك عند مركز شباب روض الفرج واسأل هناك على صبحى او اتمشى او اركب توكتوك

ازاي اروح من رمسيس لموقف عبود

ازاي اروح من رمسيس لموقف عبود 

من رمسيس تركب من موقف احمد حلمى ميكروباص عبود

إزاى اروح مستشفى كليوباترا في مصر الجديدة من السويس

 إزاى اروح مستشفى كليوباترا في مصر الجديدة من السويس

هتركب لموقف العاشر السلام وتركب من موقف العاشر ميكروباص رمسيس صلاح سالم تنزل الشارع اللى قبل نفق العروبة تقول للسواق انك رايح مستشفى كليوباترا هينزلك قدام الشارع

ازاي اروح العبور من الهرم

ازاي اروح العبور من الهرم
من الهرم مريوطية للمنيب ومنه لموقف العاشر ومنه للعبور

والطريق التاني من الهرم موقف ال 28 لموقف العاشر( الموقف ده عند رماية فيصل مطلع الدائري) ومنه للعبور

ازاي اروح من شارع التحرير الدقي لمستشفى القوات المسلحة المعادي

ازاي اروح من شارع التحرير الدقي لمستشفى القوات المسلحة المعادي
مترو للتحرير ومن هناك تركب ميكروباص معادي كورنيش
او
اركب عربيات حلوان و قول له نزلني قدام المستشفى

ازاى اروح وزارة الصحة من المنصورة

ازاى اروح وزارة الصحة من المنصورة
توصل لعبود و تركب اي حاجه لرمسيس و من رمسيس المترو الخط الاول لحد
سعد زغلول و تطلع تمشي مع الخريطه
No automatic alt text available.

الاثنين، 20 فبراير، 2017

ازاي اروح من هايبر ون للحصرى

ازاي اروح من هايبر ون للحصرى 
في عربيات كداا بس مش جوا الموقف برا عالطريق كداا هتلاقي عربيات سادس و حصري

ازاي اروح مستشفى القاهرة الجديدة - التجمع التالت من حدايق الزيتون

ازاي اروح مستشفى القاهرة الجديدة - التجمع التالت من حدايق الزيتون

مواصلات للحى العاشر مدينة نصر انزل هناك و اركب حاجة تجمع تالت (شباب ) هيوديك للمستشفى
او
اتوبيس من رمسيس بردو بيروح هناك

ازاي اروح مستشفي الاسنان القصر العيني من الجيزه

ازاي اروح مستشفي الاسنان القصر العيني من الجيزه
اي اوتوبيس رايح القصر العيني بيعدي ع اسنان و هتلاقي كتير من الجيزة

ازاي اروح محكمه العباسية من شبرا الخيمة او من عند كلية الزراعة

ازاي اروح محكمه العباسية من شبرا الخيمة او من عند كلية الزراعة 

تركب المترو للعباسية و تمشى جمب موقف الاتوبيس و تمشى يمين وتعدى الطريق
او
اتوبيس طلبة او ١٠٣٥ من كلية الزراعة هينزلوك العباسية و تمشى خطوتين و فى اتوبيس ١٠٥٣ بيعدى كلية الزراعة و بيروح العباسية بس غالبا بيطلع كوبرى العباسية و تخليه ينزلك اخر الكوبرى

ازاي اروح من هندسة القاهره لمستشفى دار الشفا

ازاي اروح من هندسة القاهره لمستشفى دار الشفا
مترو و انزل الدمرداش هتنزل من سلم المترو هتلاقي ممر كده بعد الممر هتلاقي نفسك في ساحة الدمرداش افضل ماشي لحد ما تخرج من بوابة الساحة هتلاقي في مسجد في وشك دار الشفا وراء المسجد و المسافة مش بعيدة و الا حاجة
او

اى اتوبيس رايح العباسية من ناحية رمسيس و غمرة هينزلك عند المستشفى هى بعد كوبرى احمد سعيد بحاجة بسيطة

ازاي اروح كليه طب اسنان عين شمس من محطه كليه الزراعة

ازاي اروح كليه طب اسنان عين شمس  من محطة كليه الزراعة
هاتحول اتجاه المرج وهاتنزل محطة منشية الصدر وبعدين هاتركب ميكروباص جمب المحطه على طول بينادي صيدله اسنان
او
او تركب اتوبيس طلبة او ١٠٣٥ من كلية الزراعة هينزلك قدام الكلية

ازاي اروح العاشر من رمضان ديار بنجم من فيصل

ازاي اروح العاشر من رمضان ديار بنجم من فيصل
اركب اي حاجه للرمايه ( موقف ال ٢٨ ) و منها لموقف العاشر و من موقف العاشر للعاشر من رمضان
او
هتلاقي في موقف 28 عربيات بتقول (سلام و عاشر) تنزل سلم السلام مكان ما هتنزل هتاخد عربيات للعاشر

ازاي اروح حدائق الاهرام البوابة الرابعه من رمسيس او من امبابة

ازاي اروح حدائق الاهرام البوابة الرابعه من رمسيس او من امبابة
هتروح موقف المنيره و تركب عربيات فيصل و تنزل الاخر و تركب اي حاجه رايحه اكتوبر و قولو البوابه الرابعه


لو من رمسيس هتركب عربيات رماية دائري و تنزل الاخر و تركب اي حاجه رايحه بوابات او اكتوبر

ازاى اروح شارع عثمان بن عفان اللى فى مهندسين من شبرا مصر

ازاى اروح شارع عثمان بن عفان اللى فى مهندسين من شبرا مصر
بالمترو لحد الدقي و تخرج تركب من قبل الكوبري دقي امبابه و انزل اخر البطل احمد عبد العزيز عدي الشارع هتلاقي نفسك فى شارع جزيره العرب و من هناك اسال على الشارع هتتمشي حاجه بسيطه

ازاى اروح متخف الفن الاسلامى من الزاويه

ازاى اروح متخف الفن الاسلامى من الزاويه

مينى باص ٧٩ او ٨٩ او اتوبيس ٣٠٦ او ١٢٢ او ٧٦٢ بيعدوا من شارع بورسعيد او من جوه الزاوية مينى باص ٤٢٤ او اتوبيس ٨٣١ او ٩٣١ هينزلوك قصاده

ازاى اروح من المنصوره لحدايق الهرم

ازاى اروح من المنصوره لحدايق الهرم

من المنصوره ل رمسيس و اول ما توصل رمسيس اسال فين موقف الازبكيه و اول ما توصل اسال فين عربيات الرمايه و انزل الميدان بتاع الرمايه و اركب اي حاجه بتقول تجنيد و من التجنيد بقي هتلاقي تكاتك و سوزكي لجوا حدايق الاهرام
او
او مترو لحد محطه الجيزه و عربية تجنيد لو راحه بوابه اولي او عربية اكتوبر لو راحة اي بوابه بعدها
او
ميكروباص من عند عند موقف الاوتبيس او سندوب و تنزل عند الدائري .. و تطلع الدائري و تركب رماية و تنزل ميدان الرماية هتلاقي سوزوكي اركبها و قول له البوابة اللي عايز تنزل عنده .
او
من المنصورة للمؤسسة.. من المؤسسة فيه مكروباصات هرم و من الهرم تاخد حاجة لحدايق الاهرام

ازاي اروح محطة مترو كبري القبة من الحي العاشر مدينة نصر

ازاي اروح محطة مترو كبري القبة من الحي العاشر مدينة نصر

ميكروباص من عندك ل رمسيس وارجع ب المترو محطيتين

انزل مترو اتجاه المرج وانزل محطة كوبرى القبة
او
من الحى العاشر 129او 87او 727او 346

السبت، 18 فبراير، 2017

اروح ازاي سيتي ستارز من جامعة القاهره

اروح ازاي سيتي ستارز من جامعة القاهره 
اركب المترو اتجاه شبرا وانزل محطة الشهداء واركب من هناك ميكروباص اول مكرم
او
اركب المترو وبدل في العتبة لخط العباسية وانزل محطة كلية البنات وخد تاكسي خمس دقايق ب 5 جنيه

ازاى اروح التجمع الخامس من مترو الدقى

ازاى اروح التجمع الخامس من مترو الدقى
تركب مترو لرمسيس ومن هناك في عربيات بتروح التجمع

ازاي اروح سفارة الهند

ازاي اروح سفارة الهند
بالمترو انزل محطه جمال عبد الناصر ( الاسعاف) و اركب من هناك عرابي و انزل سلم الماريوت و اتمشي من هناك 5 د

ازاى اروح مستشفى الشبراويشى فى الدقى ميدان السد العالى من مترو الدقى

ازاى اروح مستشفى الشبراويشى فى الدقى ميدان السد العالى من مترو الدقى 
شارع السد العالي ورا محطه الدقي ادخل من جنب سينما التحرير و اسال عليه