الثلاثاء، 31 يناير، 2017

ازاي اروح للداون تاون التجمع الخامس من المريوطيه هرم مواصلات

ازاي اروح للداون تاون التجمع الخامس من المريوطيه هرم مواصلات
من المريوطية فيه ميكروباص للتجمع الخامس.. بيقف قبل شارع التسعين.. بتنزل و تسال على اللى انت عاوزه

اركب ايه من موقف العاشر يودينى ل زهراء مدينة نصر

اركب ايه من موقف العاشر يودينى ل زهراء مدينة نصر 

فيه من موقف العاشر ميكروباصات زهراء

ازاي اروح من فيصل للمنطقه الصناعيه الاولي ، القطعه 39 , 40 ، 6 اكتوبر

ازاي اروح من فيصل للمنطقه الصناعيه الاولي ، القطعه 39 , 40 ، 6 اكتوبر
من الجيزة للحصري و من الحصري لميدان ليلة القدر و من ليلة القدر للقطعة دي بتاكسي او توكتوك

الاثنين، 30 يناير، 2017

ازاى اروح مستشفى بهيه من شبرا مصر محطه المظلات

ازاى اروح مستشفى بهيه من شبرا مصر محطه المظلات
هتركب المترو للجيزه و و هتنزل شارع العرم تركب اي حاجه مااشيه في الهرم و تنزل عند التوحيد و النور...هتلاقيها لازقه في التوحيد و النور بس من الشارع الجانبي

ازاى اروح مسجد الشرطة بصلاح سالم من التحرير

ازاى اروح مسجد الشرطة بصلاح سالم من التحرير

هتنزل مترو باب الشعريه وتركب عربيه بتقول منشيه ناصر وقوله ينزلك اقرب حاجه لمسجد الشرطه بس هتتمشي 10 دقايق

إزاي أروح سيتي ستارز

إزاي أروح سيتي ستارز

انزل غمرة وخد ميكروباص لاول شارع مكرم عبيد
او

انزل ارض المعارض و اركب اول مكرم
او

انزل محطة سراي القبة واركب اتوبيس مكتوب علية كمترو الازرق هينزلك قدام ستي

ازاى اروح شارع جامعة الدول قدام مسجد مصطفى محمود من حلوان

ازاى اروح شارع جامعة الدول قدام مسجد مصطفى محمود من حلوان

اركب جيزة ومن جيزة اركب اي حاجة رايحة جراج او محكمة وانزل اول جامعة الدول وهتمشي دقيقة تلاقي الجامع
او
مترو للاسعاف ومن الاسعاف هتركب بولاق
او
مترو بس تنزل محطه الدقي تقوم راكب دقي امبابه وتقول للسواق نزلني مصطفي محمود هتقعد في المواصله ٥ دقايق او اقل بعد كده تتمشي شويه هتوصل علي طول

ازاى أروح مسجد الفاروق فى شيراتون من عند كوبرى الفنجرى

ازاى أروح مسجد الفاروق فى شيراتون من عند كوبرى الفنجرى

من عندك اركب من تحت كوبري اي حاجه رايحه موقف العاشر هتلاقي ميكروباصات كتيير وتقول له نزلني شيراتون عند النساجون ينزلك قبل م يطلع كوبري وهتأخد تاكسي بدل م تمشي ينزلك قدام الجامع

ازاي اروح المنيل من قصر البالون

ازاي اروح المنيل من قصر البالون

اركب من عند البالون جيزه وانزل اركب سيده عائشه او اتمشاها

ازاى اروح العباسية من حدائق القبة

 ازاى اروح العباسية من حدائق القبة
اركب مترو حدائق لمنشية الصدر.. وبعدين هتنزل هتلاقى ميكروباصات بتقولك عباسية 5 دقايق وتبقي ف العبسية👍

ازاي اروح كلية تربية رياضيه جامعة القاهره من رمسيس

ازاي اروح كلية تربية رياضيه جامعة حلوان من رمسيس 

مترو لفيصل ومن هناك ميكروباص شارع فيصل وقوله ينزلك عند كلية
او

اركب المترو اتجاه الجيزه و انزل محطة البحوث. هاتطلع تلاقي عربيات بتنادي فيصل بس اسال و انت بتركب انه هايعدي علي الكلية

الأحد، 29 يناير، 2017

ازاي اروح نادي الشمس من المعادي

ازاي اروح نادي الشمس من المعادي



١٣٧ من تحرير او رمسيس او ٥٠٠ او من تحرير او رمسيس كل دول هينزلوكي قدام نادي الشمس
او

المترو حتي محطه حلميه الزيتون ثم من الحلميه الي الف مسكن

ازاي اروح دريم بارك من بنها

ازاي اروح دريم بارك من بنها

هتركب بنها عبود و تنزل الدائري تركب الرمايه اما تتطلع الدائري هتنزل الاخر هتلاقي عربيات اكتوبر بتعدي قصاد دريم بارك...هتلاقي عربيات اكتوبر اما تطلع الدائري متركبيهاش مش بتعدي قصاد دريم بارك اركب الرمايه و من الرمايه عربيات اكتوبر😃

ازاى أروح من معرض الكتاب الى عبود

ازاى أروح من معرض الكتاب الى عبود 


اتوبيس ١١٠٣ من عند اول كوبرى الفنجرى
او

او المترو لغاية المظلات و من هناك تركب اى حاجة رايحة عبود او تتمشى مش كبيرة

ازاي اروح فرع ولاد رجب اللي في العنوان ده : شارع أحمد فخري جانب مستشفي حسبو من حلمية الزيتون

ازاي اروح فرع ولاد رجب اللي في العنوان ده : شارع أحمد فخري جانب مستشفي حسبو
 من حلمية الزيتون
من اول عباس لاحمد فخرى انت بتفضل مكمل علطول لقدام هتمشى حوالى محطتين يعنى حوالى كيلو لو هتقدر تمشى .....يعنى من اول عباس لاول مكرم محطه ..ومن اول مكرم لاحمد فخرى وهتدخل يمين حولى ٥٠ متر هتلاقى اولاد رجب على شمالك

ازاي اروح ميدان الجزائر في المعادى من السيدة عائشة

ازاي اروح ميدان الجزائر في المعادى من السيدة عائشة
ممكن تركب من السيده عائشه لمترو الملك الصالح و تركب المترو للمعادي و من هناك ميكروباص مؤمن وقول له ينزلك ميدان الجزائر و لو فى من السيده عائشه بيطلع صقر قريش اركب لحد صقر و من صقر اركب معادي مترو و انزل اميدان الجزائر

ازاي اروح ش احمد خشبة ميدان الحجاز مصر الجديدة من السيدة عائشة

ازاي اروح ش احمد خشبة ميدان الحجاز مصر الجديدة من السيدة عائشة
اركب اول مكرم من السيدة عيشة وانزل عند ميدان الساعة اركب الف مسكن وانزل ميدان الحجاز
او 
بالمترو اركب وانزل حلمية الزيتون ميكروباصات من الحلميه كتيير بتروح الحجاز و سفير

أزاي اروح روكسي من أول عباس

أزاي اروح روكسي من أول عباس
في عندك اتوبيس مني باص من اول عباس بيدخل الخليفة المأمون وبعد كدة روكسي المحكمة الحجاز
فى مينى باص 225 و 1 تقريبا بس بيدخلوا من عند ميدان الساعه لمصر الجديده

أزاي أروح لشارع عثمان بن عفان المتفرع من شارع جزيرة العرب المهندسين من رمسيس

 أزاي أروح لشارع عثمان بن عفان المتفرع من شارع جزيرة العرب المهندسين من رمسيس
لو لقيت فى رمسيس بولاق او جامعه الدول ولو مفيش يبقي انزل محطه جمال عبد الناصر ( الاسعاف ) هيبقي احسن و تركب من هناك بولاق او اي عربيه داخله جامعه الدول و انزل ميدان مصطفي محمود او شارع جزيره العرب ( الشارع اللى قبل ميدان مصطفي محمود ) هتبقي جنب عثمان بن عفان هتتمشي دقيقتين

ازاي اروح من الهرم ل كارفور العبور

ازاي اروح من الهرم ل كارفور العبور

من الهرم اسأل على العربيات ال رايحة موقف العاشر .. وانزل موقف العاشر اسأل على عربيات العبور وقول للراجل نزلني كارفور

السبت، 28 يناير، 2017

ازاي اروح من موقف العاشر لبيت السحيمي

ازاي اروح من موقف العاشر لبيت السحيمي
من رمسيس جنب جامع الفتح هتلاقى عربية حسين غورية انزل غورية خش شارع المعز امشى شوية واسأل على بيت السحيمى هيشاورولك

اروح ازاى من الاسكندرية الى جامعة القاهرة

اروح ازاى من الاسكندرية الى جامعة القاهرة 


من اسكندرية من الموقف للهرم ومن الهرم ميني باص بيقول جامعة .
ولو ملقتيش اركب رمسيس ومن هناك مترو للجامعه

او

قطر من إسكندرية لرمسيس وانزل من القطر اركب المترو من جنب القطر على طول خد اتجاه الجيزة وانزل محطة الجامعة

ازاي اروح شارع النصر في المعادي

ازاي اروح شارع النصر في المعادي





مترو المعادي و تنزل تاخد عربيات صقر قريش و قول للسواق ينزلك شارع النصر
او


هتركب عربيه مؤمن من عند المحطه وانزل ش النصر

ازاي اروح دمياط الجديده من بنها

ازاي اروح دمياط الجديده من بنها

تركب من محطه شرق الدلتا اتوبيس ل دمياط و الاتوبيس دا ها ينزلك فى دمياط القديمه فى حته اسمها الحرس و فى الحرس موقف عربيات دمياط الجديدة .
او
تركب قطر وتنزل برضوا من مكان تانى قريب للموقف التانى تحت الكوبرى او ما تخرج من المحطه علطول ها تلئى الكوبرى العلوى لو ها تمشى مش ها تخاد 5 دقائق مشى
او
اركب المتصوره الموقف الجديد ومن هناك اركب دمياط الجديده
او
اركب من بنها لموقف عبود ومن الموقف اركب دمياط القديمة ومنها اركب دمياط الجديدة

اروح ازاي مستشفي الصم والبكم امبابه من الجيزه

اروح ازاي مستشفي الصم والبكم امبابه من الجيزه

اركب وراق من ميدان الجيزة قول له نرلني معهد الصم والبكم او ميني باص 14 فى العمرانيه

ازاي اروح التجمع الخامس ( كايرو فستيفال مول ) مترو او مواصلات من مساكن عين شمس

ازاي اروح التجمع الخامس ( كايرو فستيفال مول ) من مساكن عين شمس
اركب للسابع او مكرم وبعدين عاشر وبعدين تسعين وانزل عند كوبري المشاه وعدي الناحيه التانيه

ازاي اروح من رمسيس لحديقة الازهر

ازاي اروح من رمسيس لحديقة الازهر

من عند مسجد الفتح ميكروباصات هتنزلك قدامها بتقول ازهر

ازاي اروح اول عباس من شبرا الخيمة

ازاي اروح اول عباس من شبرا الخيمة



من موقف المؤسسة الجديد اللي عند كوبري
او

انت رايح على مترو كلية الزراعة فى نفق قبل ما تطلع على كلية لزراعة على طول تحتيه ميكروباصات بتودى لاول عباس
او
من رمسيس هتلاقى أول عباس


ازاي أروح حديقة الأزهر من الحي العاشر

ازاي أروح حديقة الأزهر من الحي العاشر 

تروح رمسيس ومن رمسيس هتلاقى عربية لحديقة الأزهر جنب جامع الفتح وموجودة فى العتبة
او
اركب للسيدة عائشه ومن هناك اركب ميكروباص العباسيه اوالدراسه بيعدوا من قدام باب الحديقه الرئيسي ولو في من عندك حاجه للعتبه هتركب من هناك عربيه فان من عند باب المترو لحد باب الحديقه ولو في حاجه من عندك للدراسه هتمشي شويه صغيرين للحديقه

ازاي ارواح حدايق الاهرام من رمسيس

ازاي ارواح حدايق الاهرام من رمسيس
مترو وانزل محطة الجيزة .. ومن قدام بي تك هتلاقي ميني باصات كتير بتروح الحدائق

الجمعة، 27 يناير، 2017

ازاي اروح المركز الأوليمبي بالمعادي

ازاي اروح المركز الأوليمبي بالمعادي
اركب مترو وانزل المعادي واطلع من اتجاه المرج هتلاقي مكروباصات عرب او صقر قدام المترو خليه ينزلك عند الاولمبي

ازاي اروح كورنيش حلوان داخله مدرسة النصر وسالم للالكترونيات بجوارمسجد الفاروق

ازاي اروح كورنيش حلوان داخله مدرسة النصر وسالم للالكترونيات بجوارمسجد الفاروق
اركب مكروباص حلوان وقول له نزلني النخل

ازاي اروح معرض الكتاب من الهرم مشعل

ازاي اروح معرض الكتاب من الهرم مشعل

بالمترو الخط التالت وانزل ارض المعارض
او
اركب اي حاجة لصلاح سالم وانزل المعرض
اوو
من موقف مشعل اللي قدام كارفور هتركب ميكروباص لمكرم عبيد وتنزل عند شارع اسماعيل الفنجري عند كوبري المشاة بالظبط .. هتتمشي عشر دقايق هتلاقي تقاطع شوارع .. المعرض على شمالك

ازاي اروح العبور من الجيزة

 ازاي اروح العبور من الجيزة
اركب اي حاجة توديك منيب ومن موقف المنيب اللي تحت الدائري هتلاقي عربيات "عاشر سلام " انزل في الموقف واركب اي حاجة رايحة العبور و فيه ميكروباصات بتنادي جامعة عين شمس -ده الفرع الجديد-لو انت رايح هناك تحديدا يعني و فيه عربيات بتروح كارفور و فيه مواصلات كتير

ازاي اروح من الهرم الي كورنيش النيل

ازاي اروح من الهرم الي كورنيش النيل

مترو الجيزة و تنزل محطة الاوبرا و تتمشي حتة صغيرة هتبقي علي كوبري قصر النيل

إزاى أروح حديقة الحيوان اللى فى الجيزة من رمسيس

إزاى أروح حديقة الحيوان اللى فى الجيزة من رمسيس

اركب المترو و تنزل محطة الجيزة و تركب اي حاجه رايحه شارع الجامعة
او
هتركب من رمسيس ميني باص من اللي معدي و هتنزل قصاد الجنينه

ازاي اروح من مدينة نصر للتجمع الخامس عند المحكمة

ازاي اروح من مدينة نصر للتجمع الخامس عند المحكمة 

من الحى العاشر ف عربيات التجمع ف الموقف ..

ازاي اروح العنوان 11 / 2 ش النصر المعادى الجديدة , المعادى, القاهرة

ازاي اروح العنوان 11 / 2 ش النصر المعادى الجديدة , المعادى, القاهرة

اركب مترو اتجاه المرج حلوان و انزل محطة المعادي و اركب عربيات صقر و قوله ينزلك في شارع النصر

اروح مستشفى الحوامدية العام من الهرم

اروح مستشفى الحوامدية العام من الهرم
تركب من الهرم للمنيب، و من المنيب تركب بدرشين و تقوله نزلني عند مستشفى الحوامدية
او
في ميدان الجيزة ميكروباصات بتروح الحوامدية، ممكن تركب حوامدية و بعد كده تاخد توكتوك لحد المستشفي!
او ممكن من الجيزة عند المحكمة كده تركب اتوبيس بدرشين و تقوله عايز انزل عند المستشفي

إزاى اروح محطة مترو باب الشعرية من موقف السلام

إزاى اروح محطة مترو باب الشعرية من موقف السلام

تركب للمرج الجديدة و من هناك تركب المترو لغاية الشهدا و تبدل لاتجاه الجيزة و تنزل العتبة تبدل للخط التالت و تنزل باب الشعرية

ازاي اروح من المنيل الى الهرم (الاهرامات )

ازاي اروح من المنيل الى الهرم (الاهرامات )

من الملك الصالح عندك انزل محطة الجيزه وهناك اركب عربيات مشعل وقوله ينزلك عند مدخل الاهرامات
او
اركب اى اتوبيس بيروح الهرم هتلاقيهم كتير اوى

ازاي اروح لميدان عبدالمنعم رياض بالمترو

ازاي اروح لميدان عبدالمنعم رياض  بالمترو 

ميدان عبد المنعم رياض هتنزل محطة السادات و تخرج من ناحية المتحف و تمشى جمبه هتلاقى ميدان عبد المنعم رياض 

ازاى اروح القلعه من حلوان

ازاى اروح القلعه من حلوان
في عربيات من حلوان بتروح السيده عائشة هتنزلك قدام القلعه ولو مترو تنزل محطة الملك الصالح وتركب عربية السيدة عائشه

ازاى ارح قاعة مؤتمرات - كلية طب القصر العينى من اكتوبر‭

ازاى ارح قاعة مؤتمرات - كلية طب القصر العينى من اكتوبر‭  
اسهل حاجة في عربيات من الحصري بتروح السيدة زينب او القصر العيني هتنزل قدامها
لو مش كده
ممكن تركب جيزة ومن الجيزة تركب عربيات السيدة وتنزل القصر العيني او عربيات الإسعاف او رمسيس وتركب مترو السيدة زينب ومنه ممكن تتمشي أو تركب حاجة للقصر

ازاي اروح روكسي مصر الجديده من المؤسسة بالعربيه او من الدائري من اسكندرية الزراعي

ازاي اروح روكسي مصر الجديده من المؤسسة بالعربيه او من الدائري من اسكندرية الزراعي

هتكمل ع الزراعى لحد المؤسسة و تنزل النفق و تخش يمين من جمب كوبرى عرابى و هتدخلك عند كلية الزراعة هتلف و تكمل عادى جمب الكوبرى و تطلع كوبرى المظلات و تكمل و تاخد اول u turn و تاخد اليمين اللى قدام الكوبرى و تكمل على طول و تنزل نفق عبود و تكمل بعده على طول لغاية ما تلاقى الطريق بيدخلك يمين هتخش يمين هتلاقى حارتين فى الطريق خليك فى الحارة الشمال و تكمل على طول لغاية ما تلاقى قصر القبة هتممل جمبه عادى و تطلع الكوبرى و تكمل شوية هتلاقى روكسى

ازاي اروح اول عباس بالمترو

ازاي اروح اول عباس بالمترو 


هتركب من رمسيس م عند جامع الفتح اى حاجة راحة اول عباس
او

حلميه الزتنون وتركب من هناك اول عباس
او
اركب المترو الجديد انزل عباسيه وخد اول عباس .. المواصله مش هتاخد تلت ساعه لو الطريق مفتوح
او
انزل محطه العتبه وغير من هناك لخط العباسيه و انزل محطه ارض المعارض أو العباسيه
او
الخط التالت وانزل الاستاد واطلع اتمشي ف شارع خضر التوني باتجاه شارع الطيران واركب من هناك اي حاجة رابحة اول عباس

ازاى اروح 1187 كورنيش النيل البنك الاهلى المصرى من جسر السويس بالعربية

ازاى اروح 1187 كورنيش النيل البنك الاهلى المصرى من جسر السويس بالعربية

صلاح سالم كوبري أكتوبر بعد رمسيس تاني منزل يمين في اول منزل يمين اتجاه الكورنيش هتلاقي البنك الأهلي علي اليمين

او

اركب حاجة توديك عبدالمنعم رياض ميني باص في بيروح من جسر السويس وأركب مؤسسة او وحدة او وراق او ٣ او امبابة
وقوله نزلني البنك الاهلي



إزاي أروح الإسماعيليه من شبين الكوم - المنوفيه

إزاي أروح الإسماعيليه من شبين الكوم - المنوفيه 
موقف المرج ومن هناك باخد ميكروباص بينزلك في موقف اسماعليه .

ازاي اروح عبود من الف مسكن

ازاي اروح عبود من الف مسكن





تركب المترو لسراى القبة و من هناك تركب اى حاجة لعبود او تركب المترو للمظلات و من هناك تتمشى اقل من ربع ساعة او تركب محطة واحدة
او
ممكن تركب من مسكن مطريه و من مطريه اى حاجه لعبود

ازاي اروح شارع مصدق ف الدقى مستشفي ابن سينا


ازاي اروح شارع مصدق ف الدقى مستشفي ابن سينا



انزل محطه الدقي هي الاقرب للمستشفي هتنزل هتلاقي كوبري ادخل من تحت الكوبري يمين هتلاقي بنزينه ادخل شمال ده شارع مصدق 5 د بالظبط هتلاقي المستشفي ادامك