الخميس، 22 سبتمبر، 2016

اهم نصايح لنفسيه افضل

ضمن

مساء الخير على كل متابعينى اهلا بيكم معايا فى موضوع جديد مع ياسمين
موضوعنا النهارده مهم جدا جدا بالنسبه لكل بنت وست وخاصة اذا كانت بتحمل مسؤوليات سواء زواج او امومه او شغل
النهارده هقدملكوا نصايح مهمه جدا لتحسين نفسيه المرأه
طبعا كلنا عارفين ان المرأه بطبيعتها نفسيتها متقلبه وكمان شديده الحساسيه وذات مشاعر رقيقه جدا ودا بيعرضنا لضغوط كتييره اوى حاجات بسيطه من وجه نظر النصف الاخر بتأثر جدا فى نفسيتنا بالسلب طبعا وكمان ضغوط الحياه من عمل وعلاقات اجتماعيه وخلافه كل دى اسباب بتؤدى احيانا للتوتر والقلق والحزن واحيانا الاكتئاب
علشان كدا حبيت اكلمكوا النهارده عن ازاى نحسن من نفسيتنا وازاى نكون سبب رئيسى فى اسعاد انفسنا ودا طبعا من وجهة نظر اطباء متخصصين
/اول حاجه هكلمكوا عنها فى موضوعنا النهارده مهمه جدا وكتير مننا كسيدات بيغفلوا عنها بسبب البيت والاولاد وخلافه من مسؤوليات ملئ يومنا كله وهى التواصل مع المجتمع والناس :-)
         والمقصود هنا اكتر من شئ
اولا التواصل بمعنى مشاركة المشاكل ان وجدت مع شخص قريب بدرجه كافيه يتميز بالامانه لان ببساطه مجرد مشاركة المشكله مع اخرين يخفف من حدة الموقف بشكل كبير ومش بس كدا كمان مشاركة مشاكلك مع اخرين بيساعدك على الرؤيه الصحيحه للموقف وعدم تضخيم الامر  وكمان بيساندك علشان تقدرى تتعاملى مع الأمر بقوه وتحدى اكبر بكتير من مواجهته لوحدك
تخيلى كدا لو انتى لوحدك فى كل مشاكلك ومش بتشاركى اى شخص فيها متخيله اد ايه هتكونى مفتقده للدعم النفسى الى يساعدك على التفكير السليم والرؤيه الصحيحه

ثانيا التواصل بمعنى ممارسة الانشطه مع الاصدقاء مثلا  الى بتساعد على الاسترخاء وابسط الانشطه دى التحاور والتناقش وعلى فكره مجره الضحك مع الاصدقاء بيفرغ كتيير من الطاقه السلبيه الموجوده جوانا بفعل المشاكل والضغوط والروتين وخلافه
كمان السؤال عن حل
للمشكله او التفكير فى حلول مع احد الاصدقاء خيار اصوب من التفكير المنفرد فى حلول

/ تانى نصيحه فى موضوعنا النهارده هى
:-) الحرص على الايجابيه بمعنى انك لازم تبصى لنص الكوبايه المليان اولا قبل ما تفكرى تبصى للنص الفاضى لازم تفهمى ان لولا وجود الحزن ما شعرنا بمتعة السعاده 
شوفى ايه فى حياتك كويس عدى نعم ربنا عليكى الى كتير غيرك ممكن يكون محروم منها بس دا مش معناه ابدا انك ترضى بالقليل وتقولى عندى كتير بصى للايجابيات علشان تخفى الضغوط من على عقلك فتقدرى تكملى بسهوله اكبر
طيب ازاى تقدرى تكونى ايجابيه اكتر دا ممكن يتحقق لما تشتغلى على نفسك شويه تدربى نفسك على تقبل الامور بروح رياضيه كمان خليكى واثقه فى نفسك دا بيخليكى عندك شعور بالرضا والايجابيه تحت اى ضغط وممكن تعملى حاجه حلوه اوى هاتى ورقه وقلم واكتبى كل الحاجات الحلوه الى مريتى بيها فى حياتك واكتبى تحتها اد ايه انا  ربنا بيحبنى  لما تشعرى بالسلبيه بصى فيها استمدى منها طاقه ايجابيه وصدقينى بتفرق جدا

/ تالت حاجه لازم تعمليها علشان نفسيتك تكون مرتاحه
:-) تقبل الامور التى لا امل فى تغييرها / عادى لما تلاقى ان فى امور غير قابله للتغير مع  كم المحاولات لتغيرها الى بتبوء بالفشل طبعا حاولى تتصرفى بذكاء علشان متتعبيش على الفاضى  اكثر الامور ذكاءا هنا هى تقبل الامر كما هو
لازم تعترفى بروح رياضيه انك فشلتى فى تغيير هذا الامر وبأنه سيظل هكذا مهما حاولتى ودا مش معناه انك انسانه فاشله ابدا دا معناه ان الاسلوب فى التعامل مع الامر خاطئ فقط مثلا بدلا من محاربته يفضل تقبله كما هو او تجنبه ان كان يسبب لكى الضرر 

رابع نصيحه هى خليكى نشيطه ديما
:-) النشاط هنا وسيله لتفريغ بعض من التوتر النفسى او القلق الى بتعانى منه زى مثلا المشى او ممارسة التمارين الرياضيه او الرقص  ودا شئ معروف فى الطب النفسى ان النشاط البدنى ممكن جدا ان يؤدى الى تصفية الاذهان التخفيف من التوتر والقلق وخلافه ودا لما بيحصل بتكونى اهدى فبتقدرى تفهمى ايه الاسباب وتقدرى تفكرى فى حلول بشكل اهدى واصفى لان التعامل مع التوتر بشكل فعال بيحتاج الى الشعور بالقوه النفسيه
بس خلى بالك ممارسة التمارين الرياضيه لا تجعل التوتر يختفى ولكنها تخفف من حدته وتهذب الفكر ايضا مما يتيح لكى التعامل مع الامور بشكل اصفى وافضل

خامس نصيحه اتمنى تعملوا بيها لنفسيه افضل هى
:-) ان لازم تمتلكى السيطره / الكلمه تبان كبيره وصعبه لكن حقيقة الامر غير ذلك
اعرفى كويس ان مهما كانت الامور صعبه فهناك دائما حل وان التفكير السلبى مجرد ترييح دماغ سورى طبعا على اللفظ ولكن دى الحقيقه السلبيه سواء كانت تفكير او فعل ما هى الا كسل وتواكل ليس الا ومجرد التفكير بشكل سلبى بيزيد جدا من حدة التوتر بصى للأمور بشكل إيجابى علشان تقدرى تسيطرى عليها قبل ما تخرج عن ايدك
مجرد شعورك بالسيطره على الامور بيدخلك فى حاله من التمكين ومش بس كدا لا كمان مجرد سيطرتك على الأمور جزء كبير من حلها فى الاساس

اخر حاجه معايا النهارده هى
:-) اكتساب ملكة التحدى / ودا شئ بينقذنى جدا من الانهزام الحقيقه
طيب دا ازاى نعمله :-) مثلا حطى لنفسك اهداف وياريت لو تكتبيها كمان زى مثلا انا هكمل دراسات عليا  او هتعلم لغه كمان او هتعلم رياضه جديده او هنقص من وزنى لانى بدأت افقد صحتى  دا شئ بيساعد جدا على بناء ثقتك بنفسك وكمان بيساعد تدريجيا على التخلص من التوتر
مع التحدى المستمر لنفسك فى الامور السلبيه هتحسى مع الوقت بالسيطره على مجريات حياتك ودا سبب قوى جدا للنجاح وكمان لنفسيه قويه تتحدى التوتر والقلق

بكدا يكون خلص موضوعنا النهارده استنونى فى موضوع جديد مش هتلاقوه غير مع ياسمين تصبحوا على خير ........

الثلاثاء، 20 سبتمبر، 2016

حلو على اد الايد

ضمن

مساء النور وحشتونى جدا رجعالكو بموضوع حلو جدا النهارده يارب بس يعجبكوا
النهارده جيبالكوا وصفات تحفه وبسيطه جدا جدا لحلويات واتمنى يارب تعجبكواان شاء الله
اول وصفتين مفيش اسهل من كدا بيتعملوا من البسكويت الساده ومش بياخدوا وقت ولا مجهود ولا حتى تكلفه كتير
اول وصفه معايا النهارده هى البسكويت بالمانجه سجلوا معايا المكونات
ِ عبوه كبيره بسكويت ساده او بالشوكولاته حسب الرغبه
ِ اتنين كيس كريم شانتيه
ِاتنين حبايه مانجو كبيره
ِكوب كبير لبن
ودى كل المكونات
الطريقه :/ اولا هنحضر الكريمه هنفضى العبوات فى وعاء عميق ونضيف عليها كميه مناسبه من اللبن ونبدأ نضربها بالمضرب لمدة 3 دقايق لحد ما يكون القوام متماسك وطبعا اللبن الى هنحضر بيه الكريمه بيكون ساقع
/تانى حاجه هنحضر المانجو يفضل قبل الاستخدام بساعتين مثلا تحطيها فى الفريزر وتخرجيها قبل الاستخدام بخمس دقائق بس علشان تكون متماسكه وتقدرى تقشريها بالسكينه زى البطاطس كدا وبعدين تقطعيها قطع وتضيفى عليها اربع معالق كبار من اللبن وتضربيها بالمضرب بردو لمدة 3 دقايق لحد ما تكون فى قوام الكريمه تقريبا ومتنسيش تعملى حسابك وتخلى كام قطعه كدا للتزيين
/هاتى صينيه صغيره وابدأى افرشيها بطبقة بسكويت وحاولى تكسرى كام بسكويته علشان تملى بيهم الفراغات بين كل بسكويته والتانيه
/ ضيفى نص كمية المانجو الى حضرتيها مسبقا وافرشيها كويس علشان تخلى كل البسكويت
/ ضيفى نص كمية الكريمه الى حضرتيها مسبقا بردو وافرشيها كويس وبالراحه علشان متختلطش مع المانجو
/ضيفى كمان طبقه من البسكويت الساده بنفس الطريقه ومتنسيش البسكويت المكسر لملأ الفراغات
/ضيفى الكميه الباقيه من المانجو كلها وافرشيها  كويس علشان تغطى كل البسكويت
/ ضيفى الكريمه المتبقيه كلها وافرشيها كويس على المانجو بحيث متختلطش معاه
بكدا تكونى حضرتى اول وصفه ويفضل بس التزيين ممكن بقطع مانجو وممكن بقطع موز وممكن بمسحوق كاكاو  وبعدين دخليها التلاجه ساعتين تلاته وبالهنا والشفا

دا بالنسبه لاول وصفه نيجى بأه للوصفه التانيه وهى البسكويت بالنشا ودى المكونات
~ نشا
~ لبن
~بسكويت ساده عبوه كبيره
~ شوكولاته مطبخ
~ جوز هند للتزيين وممكن زبيب
الطريقه:/اول حاجه هنطبخ النشا ممكن بلبن وممكن بميه مع ظبط السكر طبعا وبعدين  تبرد  
/ نحضر الشوكولاته عن طريق عمل حمام ميه ليها هاتى حله وامليها ميه وحطيها تغلى على النار وحطى الشوكولاته فى اناء تانى وعرضيه للحراره الى طالعه من غليان الميه لحد ما تسيح
/  هاتى صينيه يفضل بيركس صغيره وافرشى طبقة بسكويت ساده الاول
/بعد كدا ضيفى نص كميه النشا المطبوخه وافرشيها كويس بحيث تغطى كل البسكويت وتملى الفراغات كمان
/ ضيفى طبقه من الشوكولاته على طبقة النشا وافرديها كويس
/ افردى عليهم تانى طبقه من البسكويت بدون ما تضغطيها
/ افردى باقى النشا بحيث بردو تملى الفراغات بين كل بسكويته والتانيه
/ ضيفى اخر طبقه من الشوكولاته وخلى بالك علشان متختلطش بالنشا
/زينى الوجه بجوز هند وزبيب وممكن فول سودانى
بكدا تكونى خلصتى وتدخليها بردو التلاجه لمدة ساعه مثلا وبالف هنا يارب 

الوصفه الاخيره هى كيكه الليمون ومكوناتها
/دقيق
/ بشر قشر ليمون
/3 بيضات
/ بيكنج بودر وفانيليا او كيك شيف وفانيليا
/عصير برتقال
/ سكر
الطريقه : ضيفى البيض على عصير البرتقال ومعاه بشر الليمون وكمان الفانيليا والكيك شيف والسكر واضربيهم كويس فى الخلاط
ضيفى الدقيق بكميه مناسبه واضربى الخليط كويس مع بعضه لحد ما يكون القوام كويس مش متماسك ومش لين زياده
فى صينيه مناسبه حطى زيت وسخنيه على النار وبعدين نزليها من على النار وضيفى الخليط
هتكونى سخنتى الميكروويف شويه قبلها وتحطى الصينيه من نص ساعه لساعه الا ربع وبلاش تفتحى الميكروويف غير لما تنتهى المده ويبرد
ممكن تزينى الوش بجوز هند وبالف هنا وشفا

بكدا نكون خلصنا موضوع النهارده واتمنى تجربوا الوصفات دى وان شاء تعجبكوا واستنونى فى موضوع جديد مع ياسمين

الاثنين، 19 سبتمبر، 2016

اسهل الطرق لازالة البقع

ضمن

تتعدّد البقع الموجودة على الملابس وتختلف باختلاف المواد التي قد تُسبّب تلك البقع؛ فمنها الطعام والمشروبات والحبر وأدوات التجميل والزيوت وغيرها الكثير. ولكلّ بقعة طريقة خاصة في التنظيف ترتبط بنوعية القماش المستخدم في صنع الملابس. ومن هنا يأتي السؤال: ماذا أفعل عند العثور على بقعة على السترة أو الفستان أو القميص المفضّل لدي؟ اكتشفي الإجابة من خلال هذه النصائح المُفيدة حول كيفية تنظيف بقع الملابس المختلفة:

كيفية التعامل مع مختلف أنواع الأقمشة

إنّ أوّل ما يجب الانتباه إليه عند معالجة البقعة معرفة نوع القماش المُستخدم في صنع الثوب الذي تلطّخ بالبقع؛ فقد يكون مصنوعاً من القطن أو الأقمشة الصناعية أو الصوف أو الحرير. وسيُؤثر ذلك بالتأكيد على طريقة تنظيف البقعة؛ لذلك، وقبل القيام بأي شيء، يُرجى مراجعة ملصقات العناية الخاصة بالملابس واتباع التعليمات. وبعد ذلك، ننصحك بتطبيق هذه الخطوات البسيطة:

كيفية التخلص من بقع الملابس القطنية

يُعد القطن من الأقمشة المتينة، لذلك، يمكن استخدام عدة طرق للتخلص من البقع من دون القلق من تعرّض القماش لأي ضرر.

كيفية التخلص من بقع الملابس المصنوعة من الأقمشة الصناعية

يوجد العديد من أنواع الأقمشة الصناعية.وغالباً ما تكون شديدة التحمّل. وتعطي المنظفات التي تحتوي على إنزيمات نتائج جيدة مع الأقمشة الصناعية في معظم الأحيان، لكن لا ينصح باستخدام المبيضات.وأخيراً يجب التأكد من أنّ مزيل البقع المستخدم آمن على الأقمشة الصناعية.

كيفية التخلص من بقع الملابس المصنوعة من الصوف

يُرجى قراءة التعليمات الموجودة على ملصقات الملابس لأنّ الكثير من منتجات إزالة البقع قد تضرّ بألياف الصوف.يُنصح باستخدام منظّف معدّ خصيصاً للملابس الصوفية. وعند التجفيف، تُترك الملابس مسطّحة حتى تجفّ للحفاظ على شكلها.إذا تطلب الأمر معالجة خاصة، تؤخذ الملابس إلى المتخصّصين في عمليات التنظيف.

كيفية التخلص من بقع الملابس المصنوعة من الحرير

يُرجى التأكد من استخدام منظّف معدّ خصيصاً لتنظيف الأقمشة الحريرية حتى إذا كنت تُعالجين بقعة صغير.كما ننصحك بغمر الثوب بالكامل بالماء لتجنّب ظهور بقع أثر الماء على الثوب.ويمكنك اللجوء إلى المتخصّصين في التنظيف الجاف لأنّ الحرير دقيق للغاية ويحتاج لعناية خاصّة.

علاج بقع الملابس الشائعة باستخدام المكوّنات الموجودة في المنزل

يعتمد الكثير منا على مزيل البقع مُتعدّد الأغراض فور ظهور البقع. ولكن يمكن معالجة هذه البقع بفعالية باستخدام المكونات الطبيعية الموجودة في كل منزل. غير أنّه من المُفضّل دائماً اختبار جميع الطرق على منطقة صغيرة من الملابس للتأكّد من عدم تغير اللون أو تعرّض القماش لأي ضرر، ويمكن كذلك عرض القماش على شخص مُتخصّص للحصول على نصيحة.

التخلص من بقع الشوكولاته باستخدام اللبن

أولاً، توضع الملابس في الثلاجة ويُفرك مكان البقعة للتخلّص من الشوكولاته الزائدة.وتُمرّر مياه ساخنة خلف البقعة لتذويبها وإبرازها.يتمّ وضع بعضاً من سائل التنظيف على البقعة، ثمّ تُنقع قطعة الملابس في اللبن لمدة تتراوح بين نصف ساعة وساعة.تُغسل الملابس كالمعتاد ويُمكن تكرار العملية إذا لزم الأمر.

إزالة بقع التوت بواسطة الليمون

تُغسل البقعة بطريقة طبيعية، ثم تترك في أشعة الشمس لبعض الوقت للاستفادة من تأثير التبييض الذي تُوفّره أشعّة الشمس.إذا كانت البقعة صعبة، ننصحك بمسحها ببعض عصير الليمون أو وضع قطعة من الليمون عليها.وأخيراً تغسل بالماء، ويُمكن تكرار العملية إذا لزم الأمر.

إزالة بقع الطماطم باستخدام الخل

تُنقع البقعة لمدة نصف ساعة في ملعقة أو ملعقتين من الخلّ الأبيض.تشطف بالماء، ثم يضاف إليها كمية صغيرة من سائل التنظيف مباشرةً قبل غسلها في الغسالة على درجة حرارة باردة.يمكن تكرار العملية إذا لزم الأمر.

إزالة بقع الحبر باستخدام بخاخ مثبت الشعر

غالباً ما يكون التعامل مع بقع الحبر صعباً ومعقّداً، لذلك، ننصحك بنقع البقعة بمنتج مثل بخاخ مثبت الشعر، فهو الحل المثالي للتخلّص منها.توضع قطعة من القماش قابلة للامتصاص على البقعة.ثمّ، تُغسل بشكل طبيعي.

إزالة بقع الزيت باستخدام سائل تنظيف الصحون

يمكن معالجة بقع الزيت أو أي بقع دهنية أخرى بوضع كمية صغيرة من سائل غسيل الصحون مباشرةً عليها.تُغسل في الغسالة على درجة حرارة عالية.ويمكن تكرار العملية إذا لزم الأمر.

إزالة بقع الدم باستخدام الملح

من المهمّ جداً الانتباه إلى عنصر الوقت عند معالجة بقع الدم، فكلما تمّت معالجة البقع بشكل أسرع، كلّما كانت النتائج أفضل.يُصنع مزيج من الملح والماء البارد.يتمّ وضع المزيج على البقعة لمدّة تتراوح بين 10 و15 دقيقة من وقت تشكّل البقعة.يُشطف الثوب بماء بارد (وليس ساخن).ويُمكن تكرار العملية إذا لزم الأمر.

ومع هذه الطرق البسيطة، تُصبح إزالة البقع سهله جدا

الخميس، 8 سبتمبر، 2016

ازاي اروح التجمع الخامس؟

ازاي اروح التجمع الخامس؟

ازاي اروح التجمع الخامس؟


لتجمع الخامس أحد تجمعات مدينة القاهرة الجديدة ويتكون من عدة أحياء منها الحي الأول والثاني والثالث والرابع والخامس بالإضافة إلى غرب الجولف والشويفات والديبلوماسيين وحى النرجس وحى الياسمين وحى البنفسج وحى جنوب الأكاديمية.




في تلات مواقف فيهم ميكروباصات رايحه  التجمع الخامس

موقف العاشر


او موقف المنيب و ده اسهل لو هتركب مترو لأنه جنب مترو المنيب و من موقف المنيب قول للسواق عايز اروح التجمع الخامس و قولوا فين بالظبط علشان مش بيروح كل حته هناك.



ممكن برضو الحي العاشر بتاع زهراء مدينة نصر

من هناك فى ميكروباصات التجمع من الأول للخامس بس اتأكد انه رايح و انه فيه ناس راكبه قبل ما تركب


من المعادي تركب ميكروباص التجمع من أوتوستراد المعادي

و تنزل عند البنزينة وتاخد عربية داخلة التجمع.